Leej twg yog tus tswv ntiaj teb cov noob ? (Who Owns the World's Seeds?)
Yog ib qho kev xav txawv txawv ntawm kev ua tus tswv, tej noob nyob hauv hav zoov, tej noob uas tseb rau txhua txhia qhov chaw.
Tej tsiaj thiab huab cua, tsis muaj leej twg xav ua tus tswv ntawm cov noob no, tsuas yog cia tej xyoob ntoo nws hlob nws xwb.
Txij xyoo 1930 los, cov Koom Haum nyob ntiaj teb pib nce npe hais txog ua tus tswv kav cov noob, ces txhais tias lawv tuaj yeem sau thiab khaws nyiaj ntawm cov noob uas lawv nce npe ua tus tswv. Zim txwv no muaj ntau hom nroj tsuag uas siv los ua txhiam xws, ua roj thiab ua qhauv tsiaj. Tej ntawd yog los ntawm cov noob uas muab tsim dua tshiab kom muaj zog thiab tawm los zoo. Tej hom noob raug hloov kom txhob muaj kab mob thiab tiv tau tej tshuaj tua kab. Muaj qee hom noob tsis tuaj yeem khaws cia ntev ntev tau, vim cov noob ntawd tsis muaj qhov laus txaus. Cov neeg ua liaj ua teb uas siv cov noob no yuav tsum them nyiaj rau cov neeg hloov noob tshiab thiab cov tuam txhab uas nce npe yuav cai ntawm cov noob. Yog tias lawv khaws cov noob cia cog rau lwm xyoo, lawv kuj yuav raug them nyiaj ntxiv rau kev siv cov noob uas lawv khaws tseg. Qee zaus kev sau noob los ntawm kev hloov pauv caj ces los yog sau nroj tsuag F1 ua ke, yog yam txhaum kev cai, thiab tsoom pej xeem ua liaj ua teb pom tias kev ua li ntawd yuav raug nplua nyiaj ntau. Nyob Aas Kiv teb cov nyiaj tau los ntawm kev muag noob ib feem kuj raug xa mus siv nyob hauv British Society of Plant.
Cov Koom Haum khaws noob (BSPB) muab peev nyiaj txiag mus txhawb nqa kev tsim hom noob, ua kom cov noob muaj zog thiab haum rau kev cog. Cov neeg ua liaj ua teb tsis tau txais lus tso cai kheev muab qoob loo muag xws li nplej, mov mog, mov barley, ua ntej tsis tau txais lus tso cai los ntawm cov Koom Haum yug tsiaj thiab qoo loo (APHA). Yog tias lawv xav muag cov noob uas tsis tau nce npe raug cai, lawv kuj yuav raug txim raws txoj cai thiab. Ib yam li taum pauv, los yog lwm yam qoob loo uas cog ua qhauv tsiaj. Txoj cai no hais txog cov neeg ua liaj ua teb tsuas cog tau cov noob uas lub Koom Haum (APHA) lees paub xwb. Lawv yuav tsum siv thiab yuav cov tshuaj tua kab kom haum tej qoob loo. Yuav cov tshuaj uas tsim los ntawm tib lub Koom Haum muag noob qoob loo BASF, Bayer/Monsanto, Chemchina-Syngenta thiab Corteva Agriscience uas yog 4 lub Koom Haum loj zim txwv no uas muag tshuaj thiab noob qoob loo ntau tshaj 2 feem 3 nyob thoob ntiaj teb. Kev muag li no cov Koom Haum tau nyiaj ntau kawg thiab lawv tseem raug liam hais tias yog hla txoj cai los ntawm pab neeg ETC hauv kev ncaj ncees. Raug liam tias rhuav tshem cov kws tshawb fawb kev tshawb fawb thiab hla txoj cai ntawm cov neeg ua liaj ua teb uas tau siv 12,000 xyoo los tsim noob, thiab kev sib pauv noob qoob loo ntawm lawv
