Kev pauv ntxeev ntawm huab cua tau ua tsis zoo rau Hajj, vim muaj neeg tuag los ntawm huab cua kub nyob Makkah tshaj 1,000 leej.
Kev pauv ntxeev ntawm huab cua tau ua tsis zoo rau Hajj, vim muaj neeg tuag los ntawm huab cua kub nyob Makkah tshaj 1,000 leej.
Muaj cov neeg tuag ib nrab uas tsis tau rau npe thiab lawv tuaj ntawm qhov yuam kev tuaj. Xov xwm tshaj tias muaj cov neeg Hais Nkws Tos tuag coob leej, thiab cov neeg tuag ib txhia yog tuaj ntawm Is Ntos Nes Xias teb, Mas Les Xias teb thiab Pas Kis Taas teb tuaj. Lub ntuj kub thiab huab cua pauv ntxeev, yuav ua rau yav tom ntej txhua yam phem dua no.
Huab cua pauv ntxeev thiab lub ntuj kub txaus ntshai dua tsov rog nyob GAZA, thiab yuav ua kev kub ntxhov rau ib tsoom neeg nyob hauv tej chaw ntshiab. Qhov teeb meem ua rau neeg tuag coob yav tag los, thiab tus yeeb ncuab tim ib ntawm cov neeg ntseeg nyob Makkah thaum lawv sib sau ua cov kab ke Hajj hnub tim 14 txog 19 lub 6 hli xyoo no, yog huab cua kub heev. Txog rau tam sim no twb muaj cov neeg tuag sov li ntawm 1,000 tawm leej lawm. AFP tshaj tias : raws li cov ntawv xov xwm txawv teb chaws hais, tsaib no muaj cov neeg tuag sov li ntawm 240 leej.
Cov tseem hwv As Las Npias Xaus Dis tseem tsis tau nthuav tawm tus zauv tiag tiag, tab sis Hais Nkws Tos teb raug them nyiaj siab heev, vim muaj cov neeg tuag los ntawm tshav ntuj kub li 658 leej. Muaj 630 leej yog cov neeg tsim koob hmoov uas tsis tau sau npe thiab tsis muaj cai koom cov kab ke.
Cov hauj lwm hauv kev teev hawm tseem pom tias ; kev raug xwv txheej thiab neeg tuag yav tag los zoo ib yam li kab mob sib kis, xws li tus kab mob Xas, kab mob hnoos khaub thuas thiab tus kab mob nqaij mos o hauv paj hlwb.
