Vaj Qhia Pis Os 11
lub npe tiag yog Ambrogio Damiano Achille Ratti, nws yug hnub tim 31 lub 5 hlis 1857. Desio Lombardy, nyob Aus Rias teb. Nws tuag hnub tim 10 lub 2 hlis 1939, nyob Los Mas, Is Tas Lias teb. Nws tau ua Vaj Qhia nyob Is Tas Lias xyoo 1922 txog 1939. Nws yog ib tug Vaj Qhia txheej tshiab uas tseem ceeb kawg, nws muaj ib lo lus hais tseg tias : “Pax Christi in regno Christi” (Kev thaj yeeb ntawm Yes Xus yog nyob hauv nws lub Ceeb Tsheej). Ua kom pom tias nws cov hauj lwm txhawb nqa lub Koom Txoos tshiab uas yog vam txog kev thaj yeeb hauv lub ntiaj teb. Nws ua Vaj Qhia xyoo 1922. Nws yog ib tug kws txuj thiab ua tus kav chav rau ntawv nyob Vas Tis Kas, nws ua tiam lis mus nyob Pos Kas teb xyoo 1919, nws txais lub luag hauj lwm ua Tswv Qhia Liab thiab ua Tswv Qhia nyob Mis Las xyoo 1921, los ntawm Vaj Qhia Npes Nes Dis tim 15. Ces nws raug xaiv ua tus ua hauj lwm tiav hnub tim 6 lub 2 hlis xyoo 1922. Tsis ntev nws tus Tswv Qhia pom nws nce ua Npes Nis Tos hnub tim 11 lub 2 hlis xyoo 1929. Nws cog lus Las Tes Laas kom ua hauj lwm nyob Vas Tis Kas ywj siab uas muaj Vaj Qhia ua tus kav. Lub sij hawm ntawd Vaj Qhia lees txais kev daws tso ntawm Is Tas Lias thiab ceeb toom tias Vas Tis Kas yog qhov chaw nruab nrab ntawm kev sib txeeb thiab cov tiam lis nyob ntiaj teb. Pis Os tseem pom tias Vaj Qhia cuam tshuam nrog txawv teb chaws tsis yog tus thawj coj ntawm kev thaj yeeb. Vim nws yog tus coj ntawm lub Koom Txoos ces kev cog lus thiaj ua kom kev sib yuav hauv lub Koom Txoos Is Tas Lias yuav tsum muaj kev qhia kev ntseeg rau cov me nyuam kawm ntawv Kav Tos Liv, thiab ceeb toom tias kev teev hawm Kav Tos Liv yog tib txoj nyob Is Tas Lias. Pis Os txoj kev sib hais haum tseem ceeb kawg, nws ua cov hauj lwm tiav vim lub Koom Txoos tej hauj lwm thiab qhov tseeb uas kev tseev tsim sib koom los ntawm cov pwm tsav txawv teb chaws txoj kev pab. Tswv Qhia Liab Gasparri xyoo 1922-1930 thiab Pacelli 1930-1939. Nws tau xaus cov lus cog txhawb nqa kev ruaj khov thiab sau cov Kav Tos Liv nyob hauv cov teb chaws uas raug teeb meem los ntawm tsov rog ntiaj teb zaum ib. Lav Vias teb xyoo 1922, Pos Kas teb xyoo 1925, Los Mas Nias thiab Lis Tus Vas teb xyoo 1927. Prussia xyoo 1929 thiab Aus Rias teb thiab Zes Mas Nias teb xyoo 1933. Khuv xim uas tsov rog ntiaj teb zaum ob tau rhuav tshem tas cov kev sib cog lus no. Nws cov hauj lwm tiav thiab tso cai rau lub Koom Txoos pib tshaj Ntuj Lus nyob Mev Xis Kos teb, vim muaj kev iab hiam ntau ua kom muaj ntau txoj kev teev hawm xyoo 1926 (Iniquis afflictisque) thiab nws tseem tau cog lus lwm yam xyoo 1933. Txawm tias lub caij nyoog luv luv rau cov tseem hwv Nas Ntxis uas sawv tshiab ntawm Adolf Hitler nyob Zes Mas Nias teb, vam tias yuav daws kev cov nyom thiab sib ntsib tim ntsej tim muag ntawm cov Zes Mas Nias Kav Tos Liv. Txij xyoo 1933 mus txog 1936, nws tau sau ntawv tiv Third Reich ntau zaus thiab nws txoj kev xav hloov mus ntau vim cov cai Nas Ntxis muab los siv nyob Is Tas Lias teb xyoo 1938. Pis Os 11 yog kws txuj lub Hes Nplaws, nws txoj hauj lwm yog saib cov ntawv txhais lus 3 phau uas tiv txoj cai koom tshaj uas tiv kev ntseeg : Non abbiamo bisogno 1931 “Peb tsis xav pub koj paub”. Vas Tis Kas tiv txoj cai nruj ntawm Action Francais nyob Fab Kis teb thiab txoj kev tiv cov His Xas Lais Charles E. Coughlin nyob As Mes Lis Kas teb xyoo 1938, 8 lub hlis ua ntej nws yuav tuag thiab 15 lub hlis ua ntej tsov rog ntiaj teb zaum ob yuav sawv. Pis Os tau txais ib tsab ntawv hais txog txoj cai tim 4 uas yuav tiv kev sib caij tsuj ntawm cov haiv neeg thiab tiv kev quab yuam cov His Xas Lais, tab sis khuv xim nws tuag ua ntej lawm, ces txoj cai ntawd raug tso tseg ntawm tus sawv los hloov nws. Pis Os 12 txiav txim siab ua raws txoj kev sib ntsib tim ntej tim muag tsawg dua txoj cai Fascist. Pis Os yog ib tug neeg tshwj xeeb uas muaj kev txawj ntseg, nws txhim lub tsev tshawb fawb thiab ib lub tsev kawm ntawv txheej nrab xyoo 1925. Jocists yog lub Koom Haum tub ntxhais hluas neeg ntseeg tsim los rau cov neeg siv dag zog ua hauj lwm xyoo 1922, uas yog Kav Tos Liv ntiag tug, ua kev sib koom ntawm cov neeg ntseeg uas tso kev ntseeg pov tseg nyob hauv lub Koom Txoos. Nws xav kom txhua txoj cai nyob hauv kev teev hawm muaj feem cuam sib tw, ces ua rau cov tub tshaj Ntuj Lus coob tuaj li ob npaug thaum nws tseem ua Tswv Qhia. Qhov tseem ceeb tshaj ntawd, mas yog tsa thawj tug Tswv Qhia Suav xyoo 1938, nws txhawb nqa cov tub liv xwm thiab tub paj nruag kom tau mus tshawb fawb txog kev ntseeg nyob sab hnub tuaj sib npaug zos. Nws tau tsa tej tus Leej Ntshiab uas tseem ceeb xws li ; Tos Mas, Mos, Pob Zeb, Nkas Nis Xias, Npes Nas Des uas nyob lub nroog Luj thiab Don Bosco. Nws yog tim khawv thiab raug xaiv ua Leej Ntshiab Therese de Lisieux tus uas luag hwm kawg. Raug tsa ua Leej Ntshiab ib yam li Albertus Magnus thiab tis lub npe rau nws ua Doctor of the Church, vim nws sau ntawv tau zoo thiab neeg nyiam heev.
