Tus txhais: Txawj Tsav Lauj Vaj Tawm
Zes Laus yug xyoo 1486 hauv nroog Ves Nis, Is Tas Lias teb. Zes Laus yog ib tus tub ntau rog. Muaj ib hnub Zes Laus raug ntes kaw hauv tsev loj faj, niam Mab Liab yees tawm rau Zes Laus pom thiab coj Zes Laus dim hauv tsev loj faj. Zes Laus txiav siab tig los yuav siab tshiab, los coj lub neej tsob hwb Leej Pleev.
Muaj ib xyoo, nyob rau thaj tsam Zes Laus nyob; muaj kab mob kis ua rau neeg tuag coob, muaj neeg raug tso pov tseg ntau. Zes Laus tau mus tsob hwb thiab pab cov me nyuam ntsuag niam ntsuag txiv thiab nyob hauv txoj kev txom nyem.
Zes Laus tau tsa cov koom haum pab cov neeg txom nyem nyob rau Is Tas Lias qaum teb thiab txhim tsa koom haum Leej Choj Xos Mas Chis (Somaschi) rau xyoo 1532
Xyoo 1537, Zes Laus kis kab mob ntawm cov neeg nws niaj hnub mus tu lawv, ces Zes Laus thiaj tau tas sim neej. Cov neeg hu kam Zes Laus tias ‘Zes Laus yog sawv daws cov kwv tij’.
Xyoo 1767, lub Koom Txoos thiaj tsa Zes Laus ua Leej Ntshiab thiab xyoo 1928 Vaj Qhia Pis Yus Kaum Ib thiaj hwm Leej Ntshiab Zes Laus Es Mis Lis As Nis ua tus Leej Ntshiab pov hwm cov me nyuam ntsuag.
