Tus kws tsim qauv nyob Mumbai rov xav txog kev ua yeeb yam hauv kev ntseeg dua tshiab kom ruaj khov

Tus kws tsim qauv nyob Mumbai rov xav txog kev ua yeeb yam hauv kev ntseeg dua tshiab kom ruaj khov. Hauv lub nroog Mumbai uas nyob Is Ntias sab hnub tuaj, muaj ib tug kws tsim qauv toob xib Kav Tos Liv txheej tshiab tab tom soj ntsuam tias ; kev ntseeg thiab kev lees paub txog txhua yam nyob ib puag ncig sib cuam tshuam tau li cas hauv kev tsim tawm.

Giselle Wilson tus kawm tiav qib siab fab kev tawm qauv MIT Pune. Tau txhim kho cov duab hauv kev ntseeg kom haum nrog txhua yam nyob ib puag ncig, uas yog muab nroj tsuag thiab cov ntaub ntawv kev ntseeg rov los siv dua tshiab.

Nws cov hauj lwm tau txais lub zog txhawb siab hauv Laudato Si, uas thov kom saib xyuas txhua yam nyob ib puag ncig ntau dua qub, tom qab tiav Eco Ambassador. Uas yog lub Koom Haum txhua yam nyob ib puag ncig hauv lub Cheeb Koom Txoos Bombay ua tus npaj. Wilson thiaj tig mus rau kev siv tej toob xib uas muab pov tseg, tab sis tseem siv tau thiab muaj lub Cim. Nws ob yam hauj lwm uas pib ua xws li ; Revive Design thiab ReNew Sculptures lub hom phiaj yog tsim tej cuab yeej teev hawm ruaj khov thiab tau txo tej toob xib uas muab pov tseg.

Kev nyiam tej yam ntuj tsim ntawm Wilson muaj txij thaum yau los lawm. Nws loj hlob hauv tsev neeg uas muaj 4 leeg, thiab nws muab tas txhua yam zoo rau nws niam uas yog tus niam tsev. Tus uas qhia kev nyiam kev hlub hauv kev tsim tawm. Tus tseem ceeb hauv nws cov hauj lwm yog Leslie Dsouza uas yog tus pab tuav xam. Yog tus qhia txog lub tswv yim muab fab ntsuj plig rov los siv dua tshiab hauv cov duab kos. Lub tswv yim no qhov kawg thiaj mus txog kev txhim kho ReNew Sculptures, uas yog cov hauj lwm tis npe los ntawm tus Txiv Plig nyob hauv Giselle Wilson lub tsev teev Ntuj. Txiv Plig tau txhawb nws txoj kev muab siab rau, uas yog pab khaws tej toob xib tsis siv lawm. Yav tom ntej yog lub plawv tseem ceeb hauv nws txoj kev tawm qauv. Txhua txoj kev txiav txim siab yog xav txog lub yeej yeem. Cov toob xib tsim tawm tuaj yeem rov muab los ua dua tshiab thiab tsis muaj kob tshuaj lom neeg.

Nws lub hom phiaj yog ua los kom tau teev hawm, tab sis kuj tseem ua kom pom txog kev muab siab rau hauv kev txo txhua yam yuav ua teeb meem rau txhua yam nyob ib puag ncig thiab. Nws cov hauj lwm ua kom pom txog kev muab siab rau txhab ntxiv hauv cov Kav Tos Liv txheej tshiab, txuas nrog kev txhim kho kom haum nrog kev saib xyuas txhua yam nyob ib puag ncig. Yog siv tej toob xib uas nrhiav tau nyob hauv zej zog thiab kev txhawb nqa ntawm tsoom pej xeem, kom tau daws kev ntxhov siab fab txhua yam nyob ib puag ncig thiab fab ntsuj plig.