Kev qhia fab ntuj plig ntawm cov tub ntxhais hluas : cov tsev teev Ntuj nyob Is Ntos Nes Xias qhia kev ntseeg Kav Tos Liv txij thaum yau los.
Kev qhia fab ntuj plig ntawm cov tub ntxhais hluas : cov tsev teev Ntuj nyob Is Ntos Nes Xias qhia kev ntseeg Kav Tos Liv txij thaum yau los.
Kev cog kev ntseeg hauv lub Koom Txoos Kav Tos Liv, nws maj mam ua mus tsis tu ncua. Yog kev muab siab rau uas yuav tsim kom muaj tej tus Kav Tos Liv muaj kev ntseeg thiab mus ua tub tshaj Ntuj Lus. Kev cog kev ntseeg no xaus rau kev tuav xam hauv lub neej, tsis hais cov me nyuam yaus, cov hluas, cov hlob thiab cov laus.
Hauv qee lub caij qee ntu yuav muaj kev muab siab rau qhia kom paub, qhia kev ntseeg thiab hloov tus yam ntxwv. Kev hloov pauv tus neeg kom tus neeg loj hlob hauv kev ntseeg thiab mus txog lub neej ua neeg ntseeg tiav log.
Kev xyaum thiab qhia kev ntseeg rau cov me nyuam yaus, nyob hauv lub tsev teev Ntuj Kleco thiab Surakarta. Muaj tus qauv los ntawm kev tuav xam fab kev ntseeg hauv lub Cheeb Koom Txoos. Txhua yam no yog lub hom phiaj thiab kev tuav xam hauv pab neeg qhia kev ntseeg hauv lub Cheeb Koom Txoos. Yog hais txog saib xyuas fab ntsuj plig thiab kev qhia kev ntseeg kom haum rau kev ntseeg ntawm lub Koom Txoos Kav Tos Liv. Zim txwv no lub tsev teev Ntuj hwm Leej Ntshiab Paj Lug nyob Kleco, muaj cov neeg ntseeg li ntawm 5,800 leej. Nyob hauv cov neeg ntseeg no, muaj 500 leej yog cov me nyuam hnub nyoog 3 xyoos txog 12 xyoo. Kev qhia kev ntseeg los yog cog kev ntseeg rau cov me nyuam no muaj tsawg heev.
