Ib yim neeg Kav Tos Liv Nyab Laj muab kev ua hmoov tsuj xeeb Yes Xus yug los, hloov mus ua kev pab cov neeg raug dej nyab.
Ib yim neeg Kav Tos Liv Nyab Laj muab kev ua hmoov tsuj xeeb Yes Xus yug los, hloov mus ua kev pab cov neeg raug dej nyab.
Hais txog Phan Van Linh uas nws yog ib tug kws kho tsheb nyob hauv lub tsev teev Ntuj Vinh Thien, hauv lub nroog Hue. Nws hais tias; qhov pom kev tseeb tiag hauv hmoov tsuj xeeb Yes Xus yug los, tsis yog nyob ntawm kev nruab cov teeb liab ntsuab kom zoo nkauj. Tab sis yog nyob ntawm tej nyiaj uas lawv tsev neeg ceev tseg.
Tab txawm yuav tau txais kev kub ntxhov los ntawm dej nyab tsis ntev tag los no, uas yog nws ploj lawm 4 tug npua thiab 20 tus qaib. Tsis kav nws tsev neeg 6 leej kuj tseem muab siab rau yuav ua hauj lwm pub dawb hauv lub Caij Tos Huab Tais.
Lawv muab lawv cov nyiaj ceev tseg, txhuv noj, nyiaj siv niaj hnub, khaub ncaws hnav thiab khau. Coj mus pab cov neeg raug kev txom nyem los ntawm dej nyab. Hais txog kev muab siab rau ntawm lawv, yog nyob hauv nruab nrab Nyab Laj teb. Yog lub caij txhua lub tsev teev Ntuj tab tom txo kev siv nyiaj ua hmoov tsuj xeeb Yes Xus yug los kom tsawg. Lawv muab cov nyiaj yuav nruab tej teeb liab ntsuab thiaj tej yam zoo nkauj hauv hmoov tsuj xeeb Yes Xus yug los, coj mus pab cov neeg raug dej nyab. Lawv tab tom xaiv ua hauj lwm pub dawb thiab kev sib koom tes, kom tau pab daws teeb meem kev kub ntxhov fab tib neeg kev ncaj ncees.
