Cov tub ntxhais hluas Khas Phus Chas uas lawv yog neeg Kav Tos Liv, sib koom mus kev 20 kis los mev rau kev thaj yeeb thiab kev sib haum xeeb.
Cov tub ntxhais hluas Khas Phus Chas uas lawv yog neeg Kav Tos Liv, sib koom mus kev 20 kis los mev rau kev thaj yeeb thiab kev sib haum xeeb.
Kev tawm rooj fiv Ntuj ntawm cov tub ntxhais hluas Kav Tos Liv zaum tim 15 hauv lub Cheeb Koom Txoos Phnom Penh, tau sau tas cov tub ntxhais hluas 300 leej tuaj nyob ua ke. Txij hnub tim 27 lub 2 hlis txog hnub tim 1 lub 3 hlis, nyob hauv lub xeev Battambang uas nyob nrug deb Phnom Penh sab hnub poob li 300 kis los mev.
Cov hauj lwm 3 hnub ua ke no yog lub Koom Haum me nyuam yaus, cov tub ntxhais hluas thiab cov tub hluas hauv lub Cheeb Koom txoos ua tus npaj. Lawv siv lub npe “Tub ntxhais hluas thiab kev sib haum xeeb tsim kev thaj yeeb.” Qhov tseem ceeb ntawm kev tawm rooj fiv Ntuj, yog mus ko taw 20 kis lov mev hauv hnub tim 28 lub 2 hlis. Yog txij ntawm lub nroog Thmor Koul mus txog lub tsev teev Ntuj Mab Liab Tswv Ntuj Leej Niam nyob Tumpung. Yog kev ua tawm txog lub Cim hauv kev sib koom tes thiab kev muab siab rau. Yawg Sun Saruon uas nws yog tus thawj coj npaj cov hauj lwm no hais tias : “Kev tawm rooj fiv Ntuj xyoo no lub hom phiaj yog pab kom cov tub ntxhais hluas nkag siab txog kev sib haum xeeb, thiab kev tsim kev thaj yeeb hauv lub siab, hauv tsev neeg thiab hauv lawv cov neeg.”
Kev tawm rooj fiv Ntuj zaum no muaj qhia kev ntseeg 2 zaug. Yog Tswv Qhia Olivier Schmitthaeusler tus sawv cev Vaj Qhia nyob Phnom Penh ua tus qhia.
