Kev sau siab cov tub ntxhais hluas nyob Is Ntos Nes Xias, npaj los kom tau rhuav tshem kev quav yeeb quav tshuaj thiab tus kab mob HIV.
Kev sau siab cov tub ntxhais hluas nyob Is Ntos Nes Xias, npaj los kom tau rhuav tshem kev quav yeeb quav tshuaj thiab tus kab mob HIV.
Lub Koom Txoos Kav Tos Liv nyob Is Ntos Nes Xias teb, tab tom npaj kom cov tub ntxhais hluas tau tuaj sib ntsib sib tham hais txog kev siv yeeb sib tshuaj thiab tus kab mob Aids los yog HIV. Yog ib feem ntawm kev muab siab rau hauv kev txiav txim siab tiag thiab muaj kev lees paub txog yam yus ua.
Muaj cov tub ntxhais hluas Kav Tos Liv li ntawm 50 leej tuaj koom sau siab hauv kev sib tham thiab kev saib xyuas, uas muaj lub ntsiab lus tias :
“Txog sij hawm tsim nyog paub, tsis yog ntshai.”
Kev sau siab no yog pab kav xwm kev ncaj ncees, kev thaj yeeb thiab kev zoo hauv Surakarta ua tus npaj. Lawv hais txog kev txhawj xeeb lub cev ntaj ntsug thiab cov zej zog uas muaj cov tub ntxhais hluas coob zuj zus. Tshwj xeeb tshaj yog kev siv yeeb siv tshuaj thiab kev nkag siab yuam kev txog tus kab mob Aids los HIV.
Lub rooj sau siab tau txhib tias ; kev paub yog qhov tseem ceeb yuav pab kom cov tub ntxhais hluas txawj tiv thaiv los ntawm phooj ywg, zej zog thiab tej kev xav. Npaj kom lawv txawj txhawb nqa kev txiav txim siab hauv kev lees txais.
Nyob hauv lub rooj sau siab thawj zaug. Tus kws kev ntseeg Indra Dwi Purnomo hais tias : “Kev quav yeeb quav tshuaj kheev kheev pib los ntawm kev xav paub xav pom, los yog lub hwj chim ntawm txhua yam nyob ib puag ncig.” Nws txhib tias kev quav yeeb quav tshuaj, yog teeb meem hauv kev noj qab haus huv ntau dua qhov npaj siab tseg cia.
