Hnub tim 9 lub 5 hlis 2025.
Lis piam 3, lub Caij Hla.
Txij Nis Kos Des Mos uas tsis nkag siab txog kev yug dua tshiab. Txog cov His Xas Lais uas tsis nkag siab hais txog kev noj Yes Xus lub Cev thiab haus Yes Xus cov Ntshav. Mus txog Xauv uas yog tus tub hluas Fas Lis Xais siab kub, nws tau siv yam uas yog neeg ua los tiv kev ntseeg. Uas muaj qhov nyob hauv kev cawm ntawm cov His Xas Lais ntawd. Peb pom tau tias lawv tsis muaj lub siab tos txais Leej Ntuj Plig Ntshiab, tab sis As Nas Nias muaj kev ntseeg zoo thiab nws tso siab rau txhua yam uas Tswv Ntuj ua. Qhov no thiaj yog qhov txhawv tus Thwj Tim uas yuav coj Yes Xus lub npe mus tshaj rau cov pej kum dab.
Kwv tij sawv daws ! Peb tau hnov Tswv Ntuj lub suab hu, kom mus tshaj txog kev tig los yuav lub siab tshiab ib yam. Ces thov peb qhib siab tos txais Leej Ntuj Plig Ntshiab tas mus li. Nrog kev nkag siab lub ntiaj teb thiab lub cev nqaij daim tawv.
Kev thov zam txim ntawm Tswv Ntuj thiab tshaj kom ntiaj teb paub tias :
“Tswv Ntuj txoj kev nyiam kev hlub nyob ruaj nreb mus tas ib txhis.”
