Hnub tim 8 lub 5 hlis 2025.
Lis piam 3, lub Caij Hla.
Kwv tij sawv daws, nej puas ntseeg tias los ntawm Ntuj cov Tshiab.
Tswv Ntuj tau coj Fis Lis Pos kom mus ntsib thiab piav cov lus nyob hauv ntawv His Xais hais txog tus cawm seej. Ua rau tus neeg sam Es Thias Pias tig los yuav lub siab tshiab thiab txais lub Cim Ntxuav. Nej puas ntseeg tias yog los ntawm Yes Xus los ?
Tswv Ntuj uas yog Leej Txiv tau hu kom cov His Xas Lais qhib siab tos txais Tswv Ntuj txoj kev nyiam kev hlub, ces thiaj muaj neeg coob leej qhib siab tos txais Yes Xus, uas yog cov mov pub txoj sia. Nej puas ntseeg tias Tswv Ntuj siv cov xwm txheej thiab sib neeg coob coob ua kom nej tau nyeem ntawv Moo Zoo hnub no ? Yog tias nej ntseeg, mas thov nej nyo hau hawm Tswv Ntuj. Qhib siab los nrog Tswv Ntuj teev Ntuj ua ke, txhib nej txoj kev ntseeg, txhib kev cia siab thiab vam meej nyob hauv kev nyiam kev hlub. Thiab thov kom Tswv Ntuj pab nej ua tim khawv txog nws nyob hauv lo lus thiab cov hauj lwm zoo. Kuv ntseeg tias Yes Xus yog tus yeej.
