Zaj nyeem hnub tim 6 lub 3 hlis 2026
Hnub Rau, Lis Piam 2 caij Plaub Caug
Cov lus nyob hauv Mas Tais Ntawv Moo Zoo (MT 21: 33-43, 45-46)
Kwv tij sawv daws, nyob rau hauv zaj no qhia tias, kev uas yuav kho kom yus txhob ua phem rau luag tej, yuav tsum xub kho hauv yus lub siab lub ntsws ua ntej, hauv yus txoj kev xav, yus yuav tsum zoo siab thaum yus pom luag lwm tus tau zoo.
Nyob rau zaj no Huab Tais Yes Xus kuj tau hais ib zaj paj lug los ua piv txwv qhia cov thwj tim tias, kev xam khib, kev ntshaw luag tug, xav tau ntau, xav txeeb luag li los ua yus li, ua rau tus tub zog zov teb ntawd khwv tswv yim ua txhua tsav txhua yam kom txeeb tau tus tswv teb lub cuab tam los ua nws tug. Txog qhov nws ua phem rau tus tswv teb tus tub, vim txoj kev ntshaw, txoj kev khib npog nws qhov muag, ces thiaj ua rau nws ntsia tsis pom tus Tswv txoj kev hlub.
Thov kom peb kub siab thov Ntuj pab peb, kom peb txhob poob rau hauv kev ua txaum. Vim dab phej niaj hnub tuaj ntxias kom peb ntshaw luag tug, kom peb xam khib, kom peb npau taw sai, kom peb cem luag tej. Li ntawd, thov kom Tswv Ntuj txhab zog rau peb, nyob rau lub caij Plaub Caug no, kom peb tiv yeej dab phem tej kev haub kev ntxias.
Nyob zoo sawv daws
