ZAJ NYEEM HNUB TIM 31 LUB 5 HLIS 2024
HNUB UA HMOOV MAB LIAB MUS XYUAS ES LIS XAS NPES
COV LUS NYOB HAUV LUS KAS NTAWV MOO ZOO (LK 1: 39-56)
Kwv tij Hmoob sawv daws, hnub no yog hnub xaus lub 5 hlis. Lub 5 hlis mas peb hais tias yog lub hli cav txog niam Mab Liab. Nyob hauv xyoo no, hnub xaus lub hli yog piav txog niam Mab Liab mus xyuas tus phauj Es Lis Xas Npes. Tos peb ua hmoov niam Mab Liab mus xyuas Es Lis Xas Npes vim tias niam Mab Liab yog ib tug piv txwv zoo rau peb xyaum yoog raws. Niam Mab Liab yog tus poj niam muaj txoj kev nyiam puv npo, mas thaum tus Tshiab qhia rau nws tias tus phau Es Lis Xas Npes xeeb tub, nws thiaj mus nrhiav tus phauj kom tau tsob hwb tus phauj, thiab kom tau pub kev kaj lug rau tus phauj. Yog li thaum Es Lis Npes pom dheev Mab Liab, nws thiaj tsa suab hlo hais tias “Koj nyob kaj lug Mab Liab, tus tau txiaj ntsim puv siab.”
Tus phauj Es Lis Xas Npes hais li vim Mab Liab ua rau nws kev ntxhov siab zaj ntshis, hauv nws nruab siab tsuas tshuav kev vam khom lawm xwb. Es Lis Xas Npes lub siab kaj thiab muaj kev vam khom vim muaj niam Mab Liab thiab vim lib txiv txi hauv niam Mab Liab lub cev.
Kwv tij Hmoob, niam Mab Liab yog tus coj Tswv Ntuj lub txiaj ntsim tuaj rau peb tiag, nws coj lub txiv pub txoj sia nyob mus li tuaj rau peb. Li ntawd, thaum peb ntxhov siab thiab tag kev vam khom, peb thiaj hais rau niam Mab Liab kom pab thov Huab Tais Tswv Ntuj mloog peb zaj lus thov.
Thaum peb siab kaj lawd, peb yuav cav lus zoo txog Tswv Ntuj li niam Mab Liab tau hais tias “Kuv tus plig cav txog Huab Tais lub hwj chim, kuv lub tswv yim hom khaj nyob hauv Tswv Ntuj tus cawm kuv.”
