ZAJ NYEEM HNUB TIM 30 LUB 4 HLIS, HNUB NCO TXOG LEEJ NTSHIAB VAJ QHIA PIS YUS TSIB
COV LUS NYOB HAUV ZAM NTAWV MOO ZOO (Z 14: 27-31)
Kwv tij Hmoob, lub Moo Zoo hnub no yog cov lus Huab Tais Yes Xus hais rau cov thwj tim nyob hauv Hnub Tsib Ntshiab. Huab Tais Yes Xus hais tias “Kuv tso kuv txoj kev thaj yeeb rau nej, nej tsis txhob ntxhov siab, tsis txhob ntshai”, vim cov thwj tim ntxhov siab thaum lawv hnov Huab Tais Yes Xus hais tias Yus Das yuav ntxeev siab thiab Pob Zeb yuav tsis lees Huab Tais Yes Xus.
Kwv tij, Huab Tais Yes Xus tso nws txoj kev thaj yeeb rau cov neeg raws nws qab. Txoj kev thaj yeeb no tsis zoo xws li lub qab ntuj neeg kev thaj yeeb uas muaj ib hnub yuav ploj mus. Huab Tais Yes Xus txoj kev thaj yeeb yog rov tau mus npuab Tswv Ntuj thiab tau txais lub laj xeeb dawb paug, ces thiaj tsuas xav ua zoo rau lwm tus thiab xav raug zoo nrog lwm tus tas mus li.
Kwv tij Hmoob sawv daws, peb yuav nrhiav lub sij hawm kom tau nrog Tswv Ntuj nyob thiab nrhiav lub sij hawm kom tau nrog lwm tus sib tham los yog ua hauj lwm zoo ua ke mog!
