Zaj nyeem hnub tim 29 lub 1 hlis 2026
Hnub Tsib, Lis Piam 3 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 4: 21-25)
Kwv tij sawv daws, Huab Tais Tswv Nuj pub kev kaj hauv kev txawj ntse rau peb sawv daws txhua leej txhua tus neeg, kom xwv qhov pom kev nyob hauv peb ci kaj luag lwm tus, kom luag tau pom Tswv Ntuj nyob rau hauv peb.
Huab Tais Yes Xus hais tias “Tsis muaj leej twg taws lub teeb muab txhawb hauv qab txag los qab txees, tiam sis yuav muab txawb rau saum tus ncej teeb.” Lo lus no yog Huab Tais Yes Xus lo lus qhia kom peb rov tig ntsia qhov pom kev nyob hauv peb lub neej, thiab peb coj qhov pom kev ntawd ci mus kaj txog luag lwm tus uas nyob ib ncig peb, thiab coj qhov tseeb qhia luag lwm tus, kom qhov pom kev uas tuaj ntawm Tswv Ntuj tuaj, ci tuaj kaj cov neeg nyob hauv kev tsaus ntuj, nyob hauv kev ntshai hauv lawv lub siab ntsws, kom lawv dim ntawm txoj kev tsaus ntuj thiab txoj kev tuag hauv lawv sab ntsuj plig.
Nyob zoo sawv daws.
