Tim 1 lub 8 hli 2025.
Mas Tais ntawv Moo Zoo zaj 13 : 54-58.
Ntawv Moo Zoo hnub no thov kom peb rua muag thiab qhib siab txais lub neej tshiab uas Yes Xus coj tuaj. Peb kheev kheev muab hlob thiab xav tias peb paub zoo txog kev ua lub neej, tab sis peb tsis nco tias tseem muaj lwm txoj kev tshiab hauv kev ua lub neej. Qee zaus muaj tej yam xwm txheej tsis haum peb txoj kev xav, ces peb tsis lees txais xws li yam tshwm sim nyob hauv ntawv Moo Zoo hnub no.
Ntseeg tias Yes Xus cov txheeb ze paub Yes Xus zoo, vim Yes Xus yog ib tug kws ntoo. Ces lawv thiaj tsis ntseeg qhov hwj huam yees ntxwv uas lawv tau pom kiag ntawm qhov muag. Yog qhov nyuab uas lawv lub qhov muag yuav tau pom hwj huam yees ntxwv, vim lawv txoj kev xav thiab lub siab nqaim. Kuv xav tias Tswv Ntuj yeej ua hwj huam yees ntxwv li ntawd. Tab sis ntawm peb, mas peb saib zoo li tej yam ntawd tsis tau tshwm sim, vim peb ntseeg yam peb xav xwb. Nov yog qhov laij thawj qhia tus kheej tias kev ua yaj saub hauv yus lub teb chaws nws nyuab heev. Vim kev siv sij hawm nrog ib tus neeg twg nyob, tsis yog ua kom swm thiab sib raug zoo xwb. Tab sis nws yog ua kom yus paub txog txhua yam ntawm tus neeg ntawd. Qhov tseeb tiag peb txhua tus puav leej yog qhov zais ntshis, muaj yam tshiab tshiab zais nyob hauv peb tas mus li. Qhov uas xav tsis txog ntawd zais nyob hauv tib neeg uas peb xav tias peb paub nws zoo lawm.
