Tim 21 lub 1 hlis 2026
Lub Caij Nyob Nruab Xyoos.
Qhov uas piav nyob hauv Mas Kos ntawv Moo Zoo hnub no, ua kom pom meej tseeb txog qhov yuam kev ntawm cov neeg tsis kam lees txais Yes Xus cov lus.
“Yes Xus rov mus hauv lub tsev Txoos, muaj ib tug txiv neej qhuav tes nyob ntawd. Thiab lawv tab tom saib seb Yes Xus puas kho cov neeg mob hnub Xas Npas Tos, kom lawv zoo nrhiav txim rau Yes Xus.” Lawv lub qhov muag tsis tig mus saib tus txiv neej qhuav tes li, lawv tsuas ntsia ntsoov Yes Xus xwb. Kom tau nrhiav Yes Xus qhov txhaum. Nws yog lub qhov muag xws li qee zaus peb ntsia cov neeg nyob ncig peb. Peb npaj yuav qhia txog lawv qhov yuam kev thiab tsis sib xws. Tab sis tsis muaj qhov pom txog kev txom nyem, kev mob thiab lawv txoj kev nriaj. Vim li no peb thiaj tsis koom nrog Yes Xus txoj kev xav, yog kev xav tseem ceeb uas ib txwm muab neeg kev txom nyem los tso nyob nruab nrab.
