ZAJ NYEEM HNUB TIM 20 LUB 11 HLIS 2025
HNUB TSIB, LIS PIAM 33 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 19: 41-44)
Kwv tij sawv sawv Huab Tais Yes Xus tuaj qhia kom peb muaj lub nyiam thiab hlub luag tej, yog thaum peb muaj lub siab hlub lawm, ces ua rau qee zaus peb kuj yuav ncoos ua tus swb luag, los yog zam rau luag. Peb thiaj li pom Huab Tais Yes Xus tuag dai saum Ntoo Cuam nyob rau saum lub thaj txi Ntuj. Yog vim Huab Tais Yes Xus hlub peb sawv daws, nws thiaj li kam muab nws txoj sia los ua nqi txhiv peb sawv daws, nws muab nws txoj sia rau luag, kom xwv tau cawm peb.
Yog Huab Tais Yes Xus xav li neeg ntiaj teb xav, mas ntshai nws yuav tsis kam tuag ib zaug. Ntshai nws yuav nrhiav lub hwj chim loj los ntaus tsov ntau rog nrog nws cov yeeb ncuab kom yeej xwb.
Yog tias peb tig los ntsia Huab Tais Yes Xus tus Ntoo Cuam, mas peb yuav pom txog Huab Tais Yes Xus txoj kev hlub neeg, uas nws xav cawm peb sawv daws.
Nyob zoo sawv daws.
