ZAJ NYEEM HNUB TIM 2 LUB 5 HLIS, HNUB NCO TXOG LEEJ NTSHIAS AS THAS NAS
COV LUS NYOB HAUV ZAM NTAWV MOO ZOO (Z 15: 9-11)
Kwv tij, Ntawv Moo Zoo hnub no yog ib zaj luv luv tab sis muaj lub ntsiab zoo rau peb cim tseg cia. Lo lus ntawd yog lo lus tias “yog nej coj kuv cov lus qhia, mas nej nyob ruaj hauv kuv txoj kev nyiam.”
Huab Tais Yes Xus txoj kev nyiam yog ua xis Leej Txiv lub siab thiab mloog Leej Txiv lo lus kom tom thawj. Yog li Huab Tais Yes Xus thiaj yeem tuag txhiv lub qab ntuj neeg cov txhaum.
Vim li ntawd, Huab Tais Yes Xus thiaj xav kom peb coj raws li nws cov lus, mas peb thiaj nyob tau ruaj hauv Huab Tais Yes Xus txoj kev nyiam.
Yog ib yam tsis yooj yim kiag li, uas peb yuav coj kom tau raws li Huab Tais Yes Xus cov lus qhia, yog li mas cov kwv tij, peb yuav nquag thov Huab Tais Yes Xus pab kom peb txawj coj nws cov lus kom tom thawj mog.
