Zaj nyeem hnub tim 19 lub 3 hlis 2026
Hnub ua hmoov Leej Ntshiab Yos Xes
Cov lus nyob hauv Lus Kas Ntawv Moo Zoo (LK 2: 41-51a)
Kwv tij sawv daws, hnub no yog hnub uas lub Koom Txoos cia peb hwm txog Leej Ntshiab Yos Xes uas yog Yes Xus txiv tu nws hlob. Pom tau hais tias nyob rau hauv zaj no hais txog Yos Xes thiab Mab Liab nkawd ntau zaus, uas yog Yes Xus niam thiab txiv. Lus Kas xav kom peb to taub tias Mab Liab thiab Yos Xes nkawd yog ob tug neeg tseem ceeb, uas muaj feem cuam nyob rau hauv Tswv Ntuj tes dej num cawm lub qab ntuj neeg no kom tiav mus zoo. Nyob rau hauv Lus Kas phau ntawv Moo Zoo, nws qhia meej tias, Yos Xes yog Das Vis caj ces tiag tiag. Li ntawd, Yes Xus uas yog nws tus tub, kuj yog yug los nyob rau hauv tus vaj Das Vis caj ces raw li phau ntawv cog lus qub tau sau tseg. Qhia tau tias Huab Tais Yes Xus yeej yog tus Vaj Pleev uas Tswv Ntuj xa tuaj cawm lub qab ntuj neeg tseeb tiag. Leej Ntshiab Yos Xes nws muaj lub siab ntseeg Ntuj zoo, nws ntseeg txog Tswv Ntuj tus Tshiab Nkas Plias xa xov cov lus, tab yog nws tsis nkag siab, tsis kav nws kuj lees txais thiab coj Mab Liab los nrog nws nyob ua nws poj niam raws li tus Tshiab hais. Li ntawd pom tau hais tias Leej Ntshiab Yos Xes yog ib tug neeg ncaj thiab muaj lub siab ntseeg zoo li Has Nplas Has thiab, vim nws mloog Tswv Ntuj lub suab, nws mloog Tswv Ntuj cov lus thiab ua raws li Tswv Ntuj qhia nws, tab yog thaum ntawd nws tsis to taub kuj xij.
Nyob zoo sawv daws.
