Zaj nyeem hnub tim 17 lub 3 hlis 2026
Hnub nco txog Leej Ntshiab Pas Thiv
Cov lus nyob hauv Zam Ntawv Moo Zoo (Z 5: 1-3a, 5-16)
Kwv tij sawv daws, tus Yaj Saub Es Xes Kias yog ib tug Leej Choj nyob hauv lub Tuam Tsev Teev Ntuj nyob Yes Lus Xas Les, tiam sis nws rau lawv coj mus ua qhev nrog rau cov Yus Das nyob Npas Npis Los teb. Nws qhia cov Yus Das tias, Huab Tais Tswv Ntuj yuav pab lawv thiab coj lawv rov los tsev. Thaum rov los lawv yuav rov txhim kho lub tuam tsev teev Ntuj kom zoo li qub, thiab coj Tswv Ntuj cov neeg rov los nyob xyaw npoj. Lub tuam tsev teev Ntuj, kev txi Ntuj thiab cov Leej Choj yuav cev Tswv Ntuj haiv neeg ncaj rov rau Tswv Ntuj, ces Tswv Ntuj lub txiaj ntsim yuav nqe los rau saum Tswv Ntuj haiv neeg, zoo li tus dej txhawv, ntws ntawm sab xis hauv lub tuam tsev teev Ntuj, ntws mus txog txog qhov twg, yam uas muaj sia ua zog tau yuav rov ciaj sia. Muaj ntoo nyob ob sab, cov txiv hmab txiv ntoo yuav ua lawv cov txhiam xws noj, hos cov nplooj yuav ua tshuaj. Lub caij Plaub Caug no thov kom peb tsoom ntseeg sawv daws nco txog Huab Tais Yes Xus tus ntoo cuam, uas zoo li ib tsob ntoo tshuaj cawm siav rau peb, zoo yam li zaj hnub no uas Huab Tais Yes Xus tau cawm cov neeg muaj txiab mob nkeeg, kom lawv rov ciaj sia muaj lub neej tshiab, thiab rau cov neeg uas ntseeg txog Huab Tais los txog niaj hnub no.
Nyob zoo sawv daws.
