Zaj nyeem hnub tim 15 lub 1 hlis 2026
Hnub Tsib Lis Piam 1 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 1: 40-45)
Kwv tij sawv daws, nyob rau lub caij ntawd cov Yus Das lawv saib cov neeg mob ruas yog ib co qias neeg, yog ib co neeg txhaum, yog ib co neeg tsis huv, lawv raug cais tawm ntawm zeej tsoom neeg, lawv raug xyeeb pov sab nraud, tsis pub nyob xyaw zeej tsoom neeg, lawv yuav mus qhov twg, yuav tsum qw qw rau sawv daws paub tias lawv yog neeg tsis huv, tab sis, nyob rau ntawm Huab Tais Yes Xus lub zaim muag, lawv yog Tswv Ntuj ib co me nyuam, Huab Tais zoo siab tos txais lawv thiab cev tes pab lawv kom lawv dim ntawm lawv txoj kev txom nyem no, los ntawm Huab Tais lub hwj huam, thiab nws txoj kev khuv leej neeg, Huab Tais Yes Xus qhia txog Tswv Ntuj lub siab nyiam thiab hlub neeg tas nrho rau peb, kom xwv peb txawj sib nyiam sib hlub, vim Huab Tais hlub peb sawv daws sib npaug, nws tsis xyeej neeg. Li ntawd thov Huab Tais pub txiaj ntsim rau peb, kom peb txawj coj lub neej sib nyiam sib hlub nyob rau hauv peb lub neej thiab txawj coj tus yam ntxwv yoog raws peb tus huab Tais Yes Xus Pleev mus li.
