ZAJ NYEEM HNUB TIM 14 LUB 3 HLIS 2024
HNUB TSIB LUB LIS PIAM 4 CAIJ PLAUB CAUG
COV LUS NYOB HAUV ZAM MOO ZOO (ZM 5: 31-47)
Kwv tij Hmoob sawv daws, txhua zaus thaum peb muab phau Ntawv Ntshiab coj los nyeem mas yog peb tab tom mloog Tswv Ntuj Lo Lus hais rau peb.
Tswv Ntuj Lo Lus ua tim khawv rau peb tias Huab Tais Yes Xus yog nws Leej Tub, yog tus Tswv Ntuj xa los cawm peb hauv peb cov txim txhaum.
Niaj hnub no peb twb paub li ntawd lawm, mas peb yuav ntseeg Huab Tais Yes Xus tiag. Tus ntseeg txog Yes Xus mas nws yuav nrhiav koob meej tuaj ntawm Tswv Ntuj tuaj.
Cov kwv tij, tus neeg nrhiav koob meej ntawm Tswv Ntuj, nws yuav nyiam lwm tus, nws yuav txawj qee nws lub cuab tam rau lwm tus, nws yuav nyiam tsim kev thaj yeeb.
Li ntawd, cov kwv tij Hmoob sawv daws uas nej ntseeg txog Yes Xus, thov kom nej sawv daws kub siab mloog Huab Tais Yes Xus cov lus thiab coj mus ua kom tawg paj nyob hauv nej mog!
Nyob zoo sawv daws.
