Zaj nyeem hnub tim 14 lub 1 hlis 2026
Hnub Plaub Lis Piam 1 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 1: 29-39)
Kwv tij sawv daws, Ntawv Moo Zoo hnub no, ua rau peb tau pom txog Huab Tais Yes Xus lub luag hauj lwm cawm neeg, peb pom tias, Huab Tais muab siab rau saib xyuas txhua txhia tus neeg uas tuaj cuag nws, nws tsis tso ib tug tseg kiag li, tab yog nws khwv npaum twg, tsis kav nws tsis yws tsis xyu ib los. Nws zoo siab kho lawv, vim nws pom txog lawv txoj kev txom nyem, cov neeg txom nyem ntshaw kom muaj tus tuaj pab tuaj cawm lawv. Nyem no Huab Tais tuaj txog lawm, nws zoo siab pab lawv yam tsis muaj chaw xyeej, vim nws yog peb tus Huab Tais siab zoo. Nws xav kho neeg tej txiab mob nkeeg thiab kho neeg sab ntsuj plig huv tib si. Dua ntawm kev kho neeg lawm, Huab Tais Yes Xus tseem nquag teev Ntuj, nws teev Huab Tais Leej Txiv. Huab Tais Yes Xus ua li no, vim nws xav ua ib tug piv txwv rau peb ntsia thiab nws xav kom peb nquag teev Ntuj, peb thiaj yuav yeej tau ib puas tsav yam kev phem kev tsis zoo uas yuav tuaj raug peb.
