Zaj nyeem hnub tim 13 lub 3 hlis 2026
Hnub Rau, Lis Piam 3 caij Plaub Caug
Cov lus nyob hauv Mas Kos Ntawv Moo Zoo (MK 12: 28-34))
Kwv tij sawv daws, Huab Tais Yes Xus tau ua rau tus Kws Ntawv Ntshiab uas yog ib tug neeg txawj neeg ntse, yog ib tug neeg paub qab paub hau, nws tau nkag siab txog Tswv Ntuj cov lus zoo dua tias, kev nyiam koj tus Huab Tais Tswv Ntuj kawg koj lub siab lub ntsws, kawg koj lub tswv yim, thiab nyiam luag lwm tus zoo li koj nyiam koj, muaj nuj nqis dua kev tua tsiaj coj los hlawv txi Ntuj. Vim Tswv Ntuj tsis ntshaw kom peb tua tej tsiaj coj los hlawv txi Ntuj ntau ntau, Tswv Ntuj tsuas ntshaw kom peb muaj lub siab nyiam Ntuj thiab txawj sib hlub xwb. Kom peb ib tug txhob ua txhaum rau ib tug, kom peb txawj sib hlub sib zam, kom peb txawj coj lub neej taug hauv qhov tseeb, mas qhov no yog qhov ntxim Tswv Ntuj siab dua.
