Zaj nyeem hnub tim 10 lub 3 hlis 2026
Hnub Peb, Lis Piam 3 caij Plaub Caug
Cov lus nyob hauv Mas Tais Ntawv Moo Zoo (MT 18: 21-35)
Kwv tij sawv daws, thaum peb kawm thiab paub txog kev sib zam, ces peb yuav paub txog lub siab twj lij. Nyob rau hauv peb tib neeg, kev thov kom luag zam txim rau peb mas yooj yim kawg, tiam sis, kev uas yus yuav xub zam txim pub rau luag mas tsis yooj yim kiag. Huab Tais Yes Xus qhia Leej Ntshiab Pob Zeb tias, yog peb ib tug txawj hlub ib tug, thiab sib zam txhaum, mas thaum peb tau ua txhaum Tswv Ntuj kuj yuav txawj zam rau peb thiab. Li ntawd, thov kom peb tsoom ntseeg sawv daws xyaum rub peb lub siab koj loj kom dav, peb txawj sib hlub sib zam mog.
