Yes Xus tuaj kom tau w hluav taws rau lub ntiaj teb. (Christ Came to Cast Fire Upon the Earth)
Yes Xus tuaj kom tau w hluav taws rau lub ntiaj teb. (Christ Came to Cast Fire Upon the Earth)
Hnub no Yes Xus hais rau cov Thwj Tim tias : “Kuv tuaj yog tuaj kom tau w hluav taws rau lub ntiaj teb.” Tsab ntawv txhais dua lwm yam tias : “Kuv tuaj ua kom lub ntiaj teb pom kev.” Kuv nyiam lo lus no kawg. “Kuv tuaj yog tuaj kom tau w hluav taws rau lub ntiaj teb.” Nov yog cov hauj lwm ntawm lub Moo Zoo, kev qhuab qhia thiab hluav taws.
Hnub no kuv yuav muab kev ntxim siab mus rau qee yam, thov peb mloog cov lus txhais no. “Kuv tuaj kom tau w hluav taws rau lub ntiaj teb. Los yog zes taws rau lub ntiaj teb, kuv xav kom nws cig mus li.” Yog koj hais tias : “Kuv tuaj zes taws rau lub ntiaj teb.” Tej zaum hnov lawm nws yuav ntxim sov heev. Kuv yuav rauv taws me me nyob ntawm no, kom peb txhais tes sov tuaj. Lo lus Hes Laas uas nyob tom qab lo lus no, yog “ballein” uas txhais tias “Pov”. Nws yog hais tias “kuv tuaj zes taws rau lub ntiaj teb.” Li ntawd, lo lus no yog lo lus ze dua. “Kuv tuaj kom tau zes taws rau lub ntiaj teb”, nov tsis yog rauv lub cub tawg uas kub. Nws yog ze Xis Doos thiab Nkos Mos Las dua. Yog koj xav tau, nov yog ze hluav taws thiab leej faj dua. “Kuv xav xa cov hluav taws uas kub tas lub ntiaj teb kom ua hluav.”
Yam zoo zoo qhov tiag yeej yog qhov pom kev, kev ci ntsa thiab txhua yam uas txawv txav. Sim xav txog tus kws nthuav ntawv uas nto npe nyob hauv ntau tiam tas los ua li ntawd, tab sis txhob ntsia tsis pom cov hluav taws no tias txaus ntshai npaum cas. Peb tau hnov tias kev poob nyob hauv tus muaj txoj sia txhais tes ntawd txaus ntshai heev. Nws yog li ntawd tiag. Koj xav tias kev txuas lus nrog Tswv Ntuj yog qhov yooj yim puas yog ? Koj tsis tau nyeem Ntawv Cog Lus Qub los yog Ntawv Cog Lus Tshiab. Yog tias koj ua xyem xyav txog kuv nyob hauv zaj no, koj yuav mloog tom qab qhov Yes Xus hais txog w hluav taws los rau lub ntiaj teb.
Koj xav tias kuv tuaj tsim kev thaj yeeb nyob ntiaj teb no lod ? Nws tsis yog li ntawd. “Kuv hais rau koj tias kuv tuaj ua kom lub ntiaj teb sib tawg.” Puas yog tiag ne ? Kuv xav tias koj yog Yes Xus Pleev. “Tsis yog ! Kuv tsis yog tuaj tsim kev thaj yeeb, tab sis kuv tuaj ua kom muaj kev sib tawg.” Yes Xus hais qhov tseeb tias : “Tam sim no tsev neeg uas muaj 5 leeg, yuav sib tawg ua 3 thiab 2. Txiv yuav tiv tub, tub yuav tiv txiv. Niam yuav tiv ntxhais, ntxhais yuav tiv niam. Niam pog yuav nrog nyab sib ceg, tus nyab yuav nrog niam pog sib cav.” Qhov no yog lo lus uas tam sim no Yes Xus hais. Tsis yog kev taug kev ua si hauv tej vaj loog, tsis yog lub cub tawg me me uas sov so. Tsis hais Yes Xus yuav hais txog dab tsi kuj xij, txhua tus pom tias tsis tshua zoo.
Nws yog cov hluav taws uas txaus ntshai heev.
Koj xav tias kuv tuaj tsim kev thaj yeeb no lod ? Kuv tuaj kom neeg sib cais. Kuv tab tom ua kom yim neeg sib tawg, uas yog tus neeg koj nyiam tshaj. Peb yuav nkag siab zaj no tau li cas ? Kuv luag luag nyob ntawm no, vim cov neeg uas ib txheej neeg li kuv lawv nkag siab txog qhov nqos tsis mus nti tsis tawm no. Kuv yog hais txog zaj ntawv Moo Zoo uas peb tau txais, nws yog kev khuv leej, kev mos nyoos. Tus Tswv Ntuj hauv kev sib koom ua ib tug, thiab tus Tswv Ntuj uas tsis muaj kev txhawj xeeb, nws tsuas yog muaj kev khuv leej xwb. Lub Moo Zoo tab tom ua kom lub ntiaj teb cig ua hluav taws. Sawv daws sim xav seb, Yes Xus tuaj li cas ? Puas yog qhov pom kev ? Kuv yog ntiaj teb qhov pom kev.
Kuv hais tias : “Tswv Ntuj tuaj ntawm Tswv Ntuj tuaj, qhov pom kev tuaj ntawm qhov pom kev tuaj. Tus Tswv Ntuj tseeb tiag, yog tuaj ntawm tus Tswv Ntuj tseeb tiag tuaj.” Yes Xus tuaj hauv qhov pom kev ci ntsa. Nws puas yuav tau txais qhov zoo ? Yog koj nyob ib txheej twg uas haum nrog Tswv Ntuj, koj kuj yuav kov tau qhov Yes Xus yog tus neeg zoo. Tab sis peb txhua tus puav leej yog neeg txhaum, txhua tus puav leej muaj qhov tsis zoo, peb txhua tus tsis tau nyob ntawm qhov tsim nyob peb nyob, ces peb yuav tau txais qhov pom kev tau li cas?
Sim xav txog cov neeg raug kaw nyob hauv qhov tsua ntau lub lis piam seb, lawv nyob hauv qhov tsua tsaus ntuj nti. Tam sim ntawd lawv raug cawm tawm hauv qhov tsua los rau qhov pom kev, nws yog zoo li kev tsim txom. Nws tsim txom rau lawv heev. Qhov pom kev, nws yog qhov pom kev uas zoo nkauj. Yog kawg, tab sis kuv raus nyob hauv qhov tsaus ntuj, kuv yog ntiaj teb qhov pom kev. Sim xav txog ib tse neeg hais tias : “Yes Xus, koj yog qhov zoo tshaj nyob hauv kuv lub neej, vim koj tau ua kom kuv lub neej pom kev.” Lwm tus neeg nyob hauv lwm tsev neeg hais tias : “Yes Xus, puas yog koj tab tom tso dag ua si ? Koj yog qhov tsis zoo ntawm txhua yam peb nyiam. Koj yog tus neeg txaus ntshai.”
Thov nco ntsoov tias peb kheev kheev xav txog daim duab uas Yes Xus raug ntsia saum Ntoo Cuam, tsis yog Yes Xus tab tom hnov tej pab neeg lub suab qhuas. Tab sis yog Yes Xus raug ntsia nyob saum Ntoo Cuam. Sawv daws nyiam Yes Xus, tab sis txog qhov kawg sawv daws khiav los yog muaj feem cuam txog kev muab Yes Xus ntsia nyob saum Ntoo Cuam. Kuv tuaj kom tau w hluav taws rau lub ntiaj teb, thiab cov hluav taws no txaus ntshai heev, nws ua kom muaj kev sib tawg. Piv txwv li koj tab tom npau taws, koj paub tias yog hnub huab cua tsis zoo thiab tsis muaj kev kaj siab, tab sis koj raug caw kom mus koom ntees lom zem. Txawm li cas los koj yuav tsum tau mus, koj tseem nyob hauv kev ntxhov siab thiab huab cua tsis zoo kiag li, kev tsaus ntuj, xav ntau thiab pom tias koj lub neej tsis zoo. Koj yeej muaj tej hnub huab cua tsis zoo li hais no. Koj mus koom ntees lom zem, koj pom txhua tus neeg nyob ncig koj lawv lom zem xauv npo, muaj suab paj nruag, muaj dhia seev cev, muaj suab luag thiab cov neeg nyob ncig koj lawv lom zem, npuaj teg, ces koj yuav pom tias lawv yog cov neeg meem txom koj kawg. Kev nyuab siab nyiam muaj phooj ywg ua npoj. Yog tias koj huab cua tsis zoo, ntshe koj xav nyob nrog cov neeg huab cua tsis zoo ib yam li koj ntau dua. Tab sis tus neeg muaj kev kaj siab uas nyob ncig koj nws yog zoo li tsim txom koj, puas yog ? Qhov no nws yog qhov xwm yeem ntawm tib neeg.
Peb txhua tus puav leej yog neeg muaj txhaum, yam tsawg yeej yuav tsum muaj ib qho nyob hauv peb fab ntsuj plig uas tsis zoo kiag. Peb swm nyob nrog cov neeg uas muaj kev xav zoo ib yam. Tab sis peb poob nyob hauv txoj kev quav dej quav cawv los quav tshuaj, kev sib ntxub, kev phem thiab kev ua sib pauj. Ntawd yog lub ntiaj teb uas peb swm, ces qhov pom kev kuj nkag los nyob hauv lub ntiaj teb ntawd. Tswv Ntuj Leej Tub kuj tuaj nyob hauv lub ntiaj teb ntawd. Qee leej yog zoo li tau haus cov dej txias txias hauv teb chaws suab puam. Tab sis qee leej zoo li yog kev daws tso. Qee leej yog zoo li kev zam txim txhaum. Thiab coob leej zoo li nws raug thau tawm hauv lub qhov tsua tsaus ntu nti los rau qhov pom kev. Nws yog hnub phem tshaj rau koj, koj raug rub mus hauv lub ntees lom zem uas muaj kev lom zem tshaj, nws yog qhov nyuab thiab ua tsis taus pa.
“Kuv tuaj kom tau w hluav taws rau lub ntiaj teb.” Koj kuj paub zoo tias hluav taws nws txaus ntshai thiab nyuab heev rau coob leej. Nws yog txoj kev ntawm txhua tus hauv fab ntsuj plig. Koj kuj paub Chesterton cov lus tias : “Txhua tus nyob hauv tib lub nkoj, ces peb qaug nkoj.” Tam sim no kuv xav rub kev ntxim siab uas yog nco txog txhua yam no. Ntawd yog lub Moo Zoo, tab sis thov mus saib nyob hauv ntawv Yes Les Mias. Yes Les Mias kuv tau hais rau koj lawm tias : cov lus uas koj yuav tshaj ntawd, nws zoo li tej xwm uas neeg tsis tshua nyiam uas koj xav tau. Tswv Ntuj kom nws hais txog qhov phem hauv cov His Xas Lais, ces ua rau lawv ntxub nws kawg. Yes Les Mias cov lus, yog cov Npas Npis Los tab tom tuaj, txhob tiv lawv thiab tsim nyog thov swb. Vim peb tsim nyog tau txais lub txim no thiab raug ntiab tawm mus. Ntawd yog kev mem ntawm nws, puas ua rau nws nrov ? Lub caij ntawd, cov thawj coj hais rau tus vaj tias : “Yes Les Mias tsim nyog tuag. Nws tab tom ua kom cov tub rog nyob hauv nroog ntshai.” Yog qhov tseeb uas nws tab tom ua li ntawd, nws tab tom hais kom lawv thov swb. Nws tab tom hais txog qhov phem rau lawv, nws tsis quav ntsej txog kev noj qab nyob zoo ntawm peb cov pej xeem, tab sis nws hais txog kev piam sij ntawm lawv. Tus vaj thiaj hais tias : “Ua li, nws poob nyob hauv koj tes lawm.” Lawv ua dab tsi rau Yes Les Mias ne ? Lawv xuas hlua khi nws pov rau hauv ib lub qhov tim thaj uas tsis muaj dej, tsuas muaj av nkos xwb. Ces Yes Les Mias tog nyob hauv cov av nkos. Tam sim no kuv xav kom koj xav txog daim duab ntawd me ntsis. Yes Les Mias kuv yog hais txog ib tug nyob hauv cov Yaj Saub uas loj tshaj. Nov yog yam uas lawv ua rau Yes Les Mias. Nws yog tsoom pej xeem, yog cov neeg uas nws hais lus rau lawv. Cov av nkos uas lawv w rau koj, kuj zoo li cov av nkos uas Yes Les Mias tog nyob hauv. Zoo li Yes Xus hais tias : “Kuv tuaj kom tau w hluav taws rau lub ntiaj teb.”
Ntawd yog txoj kev ntseeg tseeb tiag. Yes Les Mias tau hnov Tswv Ntuj lub suab hu, kom mus tshaj cov xwm tseeb uas tsis yog tej xwm tib neeg nyiam mloog, raws li kuv twb xub hais lawm. Tam sim no peb yuav mus saib nyob hauv tsab ntawv uas sau mus rau cov Hes Nplaws. “Peb raug cov tim khawv vij, thov kom peb tso peb lub nra thiab txhua yam kev txhaum uas lo peb tseg. Thiab sawv ruaj nreb hauv kev sib tw uas nyob ntawm peb hauv ntej.” Puas pom tias lub hom phiaj ntawm tas txhua yam no yog dab tsi ? Yog txhua tus kom Tswv Ntuj tau zes taws. Vim li cas ? Kom tau hlawv yam uas tsim nyog hlawv nyob hauv peb, kom tau hlawv peb cov txhaum. Kom peb tau ua lub neej mus raws Tswv Ntuj lub hom phiaj tiag tiag. Yes Les Mias tab tom qhuab qhia ib zeej tsoom, kom rhuav tshem yam uas tav lawv kev nrog Tswv Ntuj. Cov lus uas ua kom rhiab pob ntseg ntawd tsis tau pab dab tsi rau tib neeg. Yuav ua li cas ? Sib tw khiav mus cuag Tswv Ntuj thiab ua txoj hauj lwm kom tiav. Ua yam uas Tswv Ntuj xav kom koj ua thiab koj yuav lees txais kev ntxuav nyob hauv hluav taws no. Qee zaus koj yuav tsum lees txais Tswv Ntuj cov lus hnyav, yog tias koj xav muaj peev xwm yuav sib tw. Li ntawd, lub Moo Zoo yog lub Moo Zoo. Tab sis neeg khiav sib hloov kev, ces yuav hnov lub Moo Zoo tau li cas ? Hauv chiv thawj nws raug ntsia pom tias yog lub moo phem. Yog tias zoo li ntawd tiag, kuv tuaj kom tau w hluav taws rau lub ntiaj teb. Kuv xav kom cov hluav taws ntawd kub npaum li cas.”
Ntawd yog Yes Xus cov lus tseeb tiag.
Kwv tij Hmoob sawv daws ! Hnub no peb tham txog zaj Yes Xus hais tias : “Kuv tuaj kom tau w hluav taws rau lub ntiaj teb” los xaus li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !
Lwm zaus peb mam sib ntsib dua, nej sawv daws nyob zoo.
