Nws yuav kav mus ib txhis (He will rule forever).
Cov phooj ywg sawv daws !
Peb los txog rau lub lis piam tim 4 uas yog Hnub Chiv kawg ntawm lub Caij Tos Huab Tais lawm. Xyoo no ncaj rau hnub ua ntej yuav ua hmoov tsuj xeeb Yes Xus yug los.
Hnub no lub Koom Txoos caw kom peb nrog xav txog tus vaj Das Vis uas kuv tau hais rau nej ntau zaus lawm tias : koj tsis tuaj yeem nkag siab txog Yes Xus tau, dhau ntawm phau Ntawv Cog Lus Qub. Thaum koj sim, koj yuav pom thiab paub qhov pib ntawm lub Koom Txoos, ces thov koj tig rov mus rau tiam 2 thaum uas nrog ib tug txiv neej hu ua Mes Xias sib ntsuas zog. Peb yuav los saib nyob hauv phau Ntawv Cog Lus Qub ua ke. Peb nthuav txog tej yam tshiab no, uas yog lub Koom Txoos tsis lees txais.
Thaum koj rho Yes Xus tawm ntawm phau Ntawv Cog Lus Qub, koj yuav tau txais Yes Xus ua tus xib hwb qhia qhov tseeb ntawm kev ncaj ncees. Tab sis yog koj cia Yes Xus nyob hauv phau Ntawv Cog Lus Qub, koj yuav pom Yes Xus tus duab tseeb thiab zoo heev. Saib seb nyob hauv Ntawv Cog Lus Tshiab hais txog Das Vis pes tsawg zaus. Pib nyob hauv Mas Tais ntawv Moo Zoo hais txog lub xeem faib ua 3 feem, ib feem yog 14 tiam neeg lub hnub nyoog. Nyob hauv ntawv Hes Nplaws txhua tus zauv hais txog tus txwm ntawv, txhua tus txwm ntawv kuj yog hais txog tus zauv. Tus zauv 14 yog ncaj rau Das Vis. Mas Tais tau hais dab tsi ua ntu zus txog lub xeem ntev heev no ? Das Vis, Das Vis, Das Vis tus kawg tuaj lawm. Ntau zaus Yes Xus raug hu ua Mes Xias thiab Paj Lug ib txwm hu kam li ntawd. Khes Tos hauv xeem lus Hes Laas yog txhais tias : “Tus pleev”, ntawd yog kev hais lus ntawm Das Vis xwb. Tam sim no peb nkag siab lawm tias vim li cas thawj zaug hauv peb txoj kev nyeem hnub no, yog los ntawm nqe lus tseem ceeb hauv Ntawv Ntshiab thiab muaj zog tshaj, nws yog nqe lus nyob hauv Ntawv Cog Lus Qub Xas Muas phau 2 zaj 7.
Hnub no koj tawm ntawm koj phau Ntawv Ntshiab thiab koj mus saib Xas Muas phau 2, uas yog ib phau ntawv ntsib txoj kev nyuab nyob hauv Ntawv Ntshiab. Koj mus saib zaj 7, ces koj yuav pom txog lo lus txhais uas tseem ceeb no. Nco ntsoov tias Das Vis tau hais tias : “Kuv yuav txhim ib lub tsev rau kuv tus Tswv Ntuj, kuv nyob hauv ib lub tuam ceeb uas yog xuas ntoo thuv los txhim. Thiab Tswv Ntuj nyob hauv lub tsev tsam phooj uas yog xuas tawv tsiaj txhim. Kuv yuav txhim ib lub tsev loj rau nws”.
Tus yaj saub Nas Taas rov los hais tias :
“Tsis, tsis yog, ntawd tsis yog yam uas Tswv Ntuj xav tau”.
Qhov kawg Das Vis tus tub yuav txhim ib lub tsev teev Ntuj loj, tab sis Tswv Ntuj cog lus rau Das Vis yuav hloov Das Vis lub tswv yim, nws hais tias : “Kuv xav txhim ib lub tsev rau kuv, tab sis kuv yuav txhim rau koj”. Nws yog hais txog Das Vis caj ces, nws yog hais txog tus vaj uas yuav tawm ntawm Das Vis los. Thiab Tswv Ntuj hais txog yam tshwj xeeb dua ntawd tias : “Tus yuav tawm ntawm koj los, nws yuav ua vaj kav mus ib txhis”. Lo lus tshwj xeeb tshaj thiab nws yuav mooj haiv His Xas Lais.
Thov nej mloog ! Tom qab uas cov His Xas Lais poob ua Npas Npis Los qhev, thiab Das Vis caj ces raug txiav tu, thaum tag tus vaj Das Vis lawm. Txawm li cas kuj xij, lawv paub thiab ntseeg lo lus no tias : Das Vis tus tub yuav kav mus ib txhis. Vim li no, yuav mloog tus yaj sau Mis Kes, nws tsis yog tus yaj saub uas sawv daws paub zoo. Tab sis yog tus ntsuas huab cua uas tseem ceeb heev. Vim nws hais tias : “Koj, Npes Les Hes ntawm Es Las Thas, tus me tshaj uas nyob hauv Yus Das txhua lub xeem, nws yuav tawm ntawm koj los, tus yuav los kav His Xas Lais vim kuv.
Tab sis vim li cas Mis Kes thiaj muab qhov ntxim siab mus rau Npes Les Hes uas yog lub nroog me me no ? Vim yog Das Vis lub nroog. Saib ma ! Mis Kes ntseeg lo lus nyob hauv Xas Muas phau 2 zaj 7 hais tias : “Tus yuav kav mus ib txhis, yuav tawm ntawm koj los”. Thiab mloog qhov nws hais, yog qhia tias peb tsis yog hais txog neeg lub cev nyob ntiaj teb no. Mis Kes rov hais dua ib zaug tias : “Nws”, uas yog tus vaj tshiab, nws yuav nyob thiab saib xyuas nws pab yaj los ntawm Tswv Ntuj lub zog. Tam sim no Tswv Ntuj lub hwj chim mus yuav txog npoo ntiaj teb, thiab Tswv Ntuj kaj siab lug. Koj puas pom tias peb tsis yog tab tom hais txog qee tus vaj hauv lub xeev Yus Das uas yog lub ntiaj teb thiab neeg xwb. Tsis yog ! tus neeg txawv txav no yog tus Das Vis tshiab, tus Das Vis ua vaj. Yog lawm ! Tab sis nws kuj ua yaj saub thiab. Puas nco nqe lus uas Das Vis mus txais lub Xab Cog Lus uas cov Fis Lis Tias txeeb ntawm cov His Xas Lais mus lawm ? Das Vis nqa lub Xab Cog Lus rov los mus nyob hauv lub nroog Yes Lus Xas Les Ntshiab.
Nws hnav ib ce khaub ncaws xws li cov yaj saub, thiab nws ua cov kab ke dhia seev cev nyob ze ntawm lub Xab Cog Lus. Nws coj tsoom pej xeem mus hauv lub nroog thiab tso lub Xab Cog Lus nyob ntawd. Nws yog tus vaj, tab sis nws kuj ua Leej Choj thiab.
Thawj pab neeg ntseeg uas tau txais kev paub los ntawm Yes Xus, lawv pom Yes Xus tuag thiab sawv rov los. Lawv nkag siab tias Yes Xus yog qhov zoo txhij zoo txhua nyob hauv cov lus Nas Taas tau hais. Nkag siab tias Yes Xus yog Das Vis tus uas yuav nqes los ua zaum kawg. Yog tus vaj no thiab tus yaj saub no. Thov muab siab rau nyeem ntawv Moo Zoo nyob hauv Hnub Chiv tim 4, hauv lub Caij Tos Huab Tais. Yog kev tshaj tawm raws li Lus Kas ntawv Moo Zoo. Peb tau hnov ntau zaus los lawm, ces peb yuav tsis hais txog Ntawv Cog Lus Qub. Tab sis puas pom tias cov uas lawv tau hnov cov lus no thawj zaug, lawv yuav tsis hnov qab.
Li ntawd, tus Tshiab Nkas Nplias thiaj nqes los hauv lub nroog Nas Xas Les nyob Nkas Lis Lais teb. Tus Tshiab mus nrhiav tus nkauj xwb uas luag muab qhaib rau ib tug txiv neej hu ua Yos Xes, yog xeem Das Vis. Nov thiaj yog qhov hais txog Das Vis. Tus nkauj xwb ntawd lub npe hu ua Mab Liab. Tus Tshiab hais tias : “Koj nyob kaj lug Mab Liab, tus tau txiaj ntsim puv siab ! Huab Tais nrog koj nyob ! Mab Liab ua xyem xyav tias ntawd yog hais txog dab tsi, vim nws tsis paub ib tug txiv neej li.
Tus Tshiab hais tias :
“Koj txhob ntshai, vim koj tau txais txoj hmoov zoo tuaj ntawm Tswv Ntuj lawm. Koj yuav xeeb tub thiab koj yuav yug ib tug me tub, koj yuav tis nws npe hu ua Yes Xus. Nws yuav ua vaj thiab yog Tswv Ntuj Leej Tub mus ib txhiab ib txhis. Nws yuav zaum nws txiv Das Vis lub theej kiab. Nws yuav kav Yas Kos tsoom xeeb ntxwv mus ib txhis, thiab Tswv Ntuj lub Ceeb Tsheej yuav nyob mus li tsis paub kawg”.
Peb tab tom hais txog thawj tiam neeg, thiab lub sij hawm ntawd Das Vis caj ces twb ploj tau 500 xyoo lawm. Txawm li ntawd tsis kav cov His Xas Lais kuj tseem ntseeg Nas Taas cov lus thiab lawv nkag siab tus Tshiab cov lus.
Rov qab mus saib Ntawv Ntshiab thaum pib txog thaum xaus, ces koj yuav pom tej yam txawv nyob saum Ntoo Cuam uas cov Los Mas tsim tawm los nyob hauv Das Vis lub nroog. Yes Xus Nas Xas Les, cov His Xas Lais tus vaj. Ntawd yog raws li tus yaj saub Nas Taas hais tseg. Yes Xus ntoo lub kaus mom tuaj pos, yog lub cim ua vaj nyob siab dua nws taub hau. Li ntawd, tom qab tus Tshiab xa lus tas, Mab Liab sawv kev mus xyuas nws tus phauj Es Lis Xas Npes uas cev tab tom xeeb tub. Peb rov mus saib cov zaj nyob hauv Ntawv Cog Lus Qub, Das Vis mus nrhiav tau lub lub Xab Cog Lus nyob qhov twg ? Nws nyob saum cov ncov roob Yus Das. Das Vis mus nrhiav pom thiab nqa rov los nyob hauv lub nroog Yes Lus Xas Les. Mab Liab yog leej twg ? Nws yog lub Xab Cog Lus tseeb tiag. Lub Xab Cog Lus muaj Tswv Ntuj 10 lo lus qhia nyob hauv thiab yog cov lus cog tiav log. Thaum peb pom niam Mab Liab puag Yes Xus nyob ntawm nws xub ntiag, mas zoo li yog lub Xab Cog Lus tiav log ntag. Thaum Mab Liab foom lus zoo rau nws tus phauj Es Lis Xas Npes, Es Lis Xas Npes hais tias : “Koj lub suab ntxhe txog kuv pob ntseg, tus me nyuam dhia hauv kuv lub plab”.
Tus me nyuam ntawd yog Zam Ntxuav Plig. Qhov ntawd ua kom peb nco txog thaum tus vaj Das Vis dhia seev cev nyob ze ntawm lub Xab Cog Lus.
Yes Xus tau ua vaj los ntawm Ntoo Cuam, lawv kuj cev txim rau Ntoo Cuam thiab. Zoo li Ntoo Cuam yog lub thaj txi Ntuj. Ces kuv thov hais rau nej tias tas txhua yam no nyob rawv hauv peb nruab siab raws li thawj tiam neeg nyob hauv Ntawv Ntshiab. Vim thaum lawv pom tej xwm no tshwm sim, mas yog qhov tseeb raws li tus yaj saub Nas Taas hais. Ces thov nej khaws cov lus no tseg hauv nej nruab siab, vim tam sim no peb nyob ze lub Caij Yes Xus Yug Los, peb npaj ua hmoov tsuj xeeb Das Vis leej tub yuav yug los nyob hauv peb. Thov Tswv Ntuj foom hmoov zoo pub rau nej !
