Zaj nyeem hnub tim 17 lub 4 hlis 2026
Hnub Rau, Lis Piam 2 caij Hla
Cov lus nyob hauv Zam Ntawv Moo Zoo (Z 6: 1-15)
Kwv tij sawv daws, peb yuav pom Huab Tais Tswv Ntuj lub hwj huam tawm tuaj, yog thaum peb qhib siab txais Tswv Ntuj tuaj nyob rau hauv peb, lub caij thaum Huab Tais muab 5 lub ncuav mov thiab ob tug ntses coj los ua Ntuj tsaug tas thiab cev rau lawv coj mus faib rau zeej tsoom noj, sawv daws ntsia ntsoov Huab Tais Yes Xus, sawv daws pom tias, yog Tswv Ntuj cawm lawv, lawv muaj kev zoo siab, lawv sib faib noj sib faib haus, ces qhov kawg lawv sawv daws puav leej noj tsau, thiab tseem khaws tau cov mov seem thiab. qhov no qhia tau tias, yog peb txawj sib nyiam sib hlub, sib faib noj mas peb yuav noj tsis txheeb haus tsis tas. Hos yog peb nyias tos nyias khaws rau nyias tus kheej xwb, mas ntshe ib txhia yuav tsis tau noj. Li ntawd, thov kom peb txawj sib nyiam sib hlub thiab tso siab rau Huab Tais Tswv Ntuj mog.
Nyob zoo.
