Vas Tis Kas nco txog kev hiam uas tshwm sim rau cov Txiv Plig Suav hauv lub Koom Txoos Kav Tos Liv los ntau caum xyoo.

Tswv Qhia Tagle lees tias cov Txiv Plig Suav nyob hauv lub Koom Txoos Kav Tos Liv raug tiv los ntau caum xyoo, thiab thov kom muaj kev sib zam txim, kev sib haum xeeb thiab kev lees txais ntawm lub Koom Txoos ntau dua qub.

Cov lus hais hauv lub rooj sab laj ntawm txhua lub teb chaws nyob hauv lub tsev kawm txheej siab Pontifical Urbaniana nyob Los Mas, hnub tim 5 lub 11 hlis no.

Tswv Qhia Tagle nco txog kev tiv cov Txiv Plig Suav uas tshwm sim ua ntej Vaj Qhia Pis Os 11 yuav tsa 6 tus Txiv Plig Suav xyoo 1926. Kev sab laj zaum no yog kev nco txog txwm 100 xyoo ntawm kev tsa thawj tus Tswv Qhia nyob Suav teb. Tswv Qhia Tagle tus lwm thawj tswj kev tshaj lub Moo Zoo hais tias :

“Cov Txiv Plig Suav kheev kheev raug xaiv ua tej yam tsis sib luag nyob hauv lub Koom Txoos. Hauv lawv lub neej niaj hnub, muaj qee leej tseem ua rau cov Txiv Plig Suav zoo li yog cov Txiv Plig txheej ob, thiab qee yam yog tab meeg ua.”

Nws piav tias kev tiv cov Tswv Qhia Suav, ua kom pom txog lub tswv yim yav tag uas muaj tau kev tshaj lub Moo Zoo thiab txiaj ntsim ntawm cov teb chaws nyob sab hnub poob meej kawg. Kev tsa Tswv Qhia hauv xyoo 1926, yog kauj ruam tseem ceeb hauv kev tsim kev ua tus coj nyob hauv lub Koom Txoos zej zog thiab nco txog tus yam ntxwv nyob thoob ntiaj teb ntawm lub Koom Txoos Kav Tos Liv. Nws lees txog kev piam sij ntawm lub Koom Txoos yav tag los. Tswv Qhia Tagle hais tias kev zam txhim txhaum yog qhov tseem ceeb kho kev sib tawg thiab txhawb nqa kev cia siab. Nws zeem tseeb tias cov Kav Tos Liv Suav yuav txais tus yam txwv hauv lawv tej kab lis kev cai yam txaus nkaus thiab koom nrog lub Koom Txoos ua ib tug nyob thoob ntiaj teb. Nws hais txog Vaj Qhia Leo 14 tsab ntawv uas xa mus rau lub rooj sau siab tias ; kev sib luag tsis tas yuav muaj kev sib luag hauv tej kab lis kev cai.

Tswv Qhia zoo siab txog kev muaj feem cuam txhab ntxiv ntawm cov Tswv Qhia Suav hauv kev sau siab thiab lub Koom Txoos kev sib tham nyob thoob ntiaj teb. Nws hais tias kev sib tham no yog lub caij zoo txhawb nqa kev sib koom siab thiab kev sib nkag siab. Nws thov kom lub Koom Txoos nyob thoob ntiaj teb xav txog kev muaj feem cuam ntawm cov neeg ntseeg hauv zej zog ntau dua qhov txuag kev sib raug zoo tsis sib luag hauv lub Koom Txoos kev tshaj lub Moo Zoo.

Hmong Survey Popup Image