Ua kom yog neeg ntseeg, ua kom muaj kev ncaj ncees nyob hauv lub ntuj Digital, ntuas qhia neeg kom ncaj ncees
Ib tug Txiv Plig neeg Fis Lis Pees ntuas cov neeg ncaj ncees txog qhov tsim nyog uas ua kom neeg coj ncaj ncees thiab ua neeg ntseeg nyob hauv lub ntuj Digital.
Txiv Plig Fran Villega qhuab ntuas tias : yuav tsum sib faib qhov pom kev thiab qhov tseeb ntawm Yes Xus nyob hauv Internet los ntawm txhua yam Social Media. Txawm li cas kuj xij, ua txhawm kho kev sib tham uas yog tshuaj lom, kev piam sij thiab tsis muaj lub hom phiaj.
Hauv tiam neeg uas muaj yam ub yam no ntau ntau puv nkaus thiab kev sib txuas, kev nthuav tej xov xwm cuav thiab tej yam neeg nyiam uas tsis yog. Peb yuav tsum nres nroos thiab ua mus rau tom ntej kom ntau tshaj no. Kom tau tshaj Tswv Ntuj lub Moo Zoo nyob hauv lub ntuj Digital kom nthuav dav thiab mus deb, vim tam sim no yog Areopagus tshiab. Txiv Plig Fran Villega tab tom nthuav nws cov lus nyob hauv lub thaj txi Ntuj qhib kev sab laj hauv lub teb chaws, hais txog cov neeg txuag kev ntseeg Kav Tos Liv (CFD) zaum tim 47 hnub tim 8 lub 6 hli no, nyob hauv lub tsev teev Ntuj Antipolo, lub nroog Rizal nyob Fis Lis Pees teb.
Catholic Faith Defenders txhim tsa nyob hauv xyoo 1963, yog lub Koom Haum nto npe nyob Fis Lis Pees teb uas muab tus kheej ua hauj lwm tsim kev paub txog kev cai thov txim. Yog ib feem tub koom tes uas tau txais kev lees paub los ntawm Episcopal Commission of the Laity of the Catholic Bishop’s Conference of the Philippine (CBCP).
