Tus Tswv Qhia uas yog tus pab nyob Hanoi thov kom cov tub ntxhais hluas Kav Tos Liv ua tub txib thiab ua pov thawj txog lub Moo Zoo.
Tswv Qhia Vũ Công Viện tau hais cov lus thov no nyob hauv lub thaj txi Ntuj hnub tim 18 lub 8 hli no, hauv lub tsev teev Ntuj Tan Lang uas nyob hauv lub Cheeb Koom Txoos Hanoi. Nws yog tus pub lub Cim Ntxuav rau cov tub ntxhais ntawd. Tswv Qhia Vu Cong Vien hais tias : “Leej Ntuj Plig Ntshiab yuav los nyob hauv nej, hloov nej thiab ntxiv zog rau nej, kom nej txawj xaiv qhov phem qhov zoo, thiab ua lub neej xws li Tswv Ntuj cov me nyuam.”
Ua ke ntawd nws kuj thov kom muab Tswv Ntuj qhov paj tshab coj mus ua tub txib rau zej zog thiab ua pov thawj txog lub Moo Zoo nyob hauv niaj hnub.
Tom qab nyeem ntawv Moo Zoo tas, Txiv Plig Nguyễn Văn Khích tus Txiv Plig nyob hauv lub tsev teev Ntuj tau coj 100 tus tub ntxhais mus ntsib Tswv Qhia. Cov me nyuam tau hais cov lus cog txog kev ntseeg hauv lub Cim Ntxuav rau sawv daws. Tom qab ntawd Txiv Plig Vu tsa tes rau saum cov me nyuam taub hau thiab thov Leej Ntuj Plig Ntshiab 7 lub txiaj ntsim rau lawv. Txiv Plig Vu thiab Txiv Trần Quang Tiến uas yog tus Txiv Plig nyob hauv lub tsev teev Ntuj Phu Ly tau pleev Roj Ntshiab rau cov me nyuam ib tug zuj zus hauv kev txais lub Cim Ntxuav. Tus Txiv Plig ntawm lub tsev teev Ntuj Phu Ly uas nws yog tus pab cov Txiv Plig, cov Leej Tij, cov Leej Phauj thiab cov neeg ntseeg tau koom ua thaj txi Ntuj ua ke. Lub Cheeb Koom Txoos hais tias : “Cov tub ntxhais tau sau siab thiab txais lub Cim sib haum xeeb, yog ib feem ntawm kev npaj siab txais lub Cim Ntxuav.” Kev npaj siab no ua kom lawv muaj caij rov xav txog nyias txoj kev ntseeg thiab npaj txhij yuav txais lub zog ntawm Leej Ntuj Plig Ntshiab, raws li lub Cheeb Koom Txoos hais.
