Tus thawj tswj fab kev tshaj xo nyob Fis Lis Pees teb hais rau cov tub tshaj Ntuj Lus Online nyob As Xias teb tias : “Digital yog qhov chaw tshiab hauv kev tshaj lub Moo Zoo.”
Tus thawj coj pab neeg tshaj lub Moo Zoo hauv zej zog ntawm cov Tswv Qhia nyob Fis Lis Pees piav tias : “Kev pauv ntxeev Technology yog ib qho kev pauv ntxeev hauv kev ua lub neej thiab kev nkag siab txog lub ntiaj teb xws li qhov qub.”
Nws hais tias : “Zim txwv no qhov chaw ua chaw khuam tseem ceeb, yog nyob hauv digital. Qhov chaw tshiab ntawm kev tshaj lub Moo Zoo tsis yog nyob hauv hiav txwv, tsis yog nyob saum nruab ntug, tab sis yog nyob hauv lub ntuj digital.” Tswv Qhia Alarcon hais tias : “Tsis yog lub ntiaj teb uas nyob ntawm ib sab, tab sis yog lub ntiaj teb uas peb nyob, peb twb nyob ntawd lawm.” Nws hais tias thaj chaw hauv digital txhob muab cais tawm ntawm tib neeg lub neej niaj hnub. Thaj chaw hauv digital yog qhov chaw uas ua kom tib neeg muaj kev sib raug zoo, tau sau ntawv sib tham, tawm tswv yim ua ke thiab nrhiav txiaj ntsim qab hau. Nws tseem hais ntxiv tias ; kev txhim kho Technology tshwj xeeb tshaj yog AI, ua kom muaj lus nug txog kev ncaj ncees thiab cov zej zog tshiab. Tab txawm Technology pub lub caij, tsis kav cov neeg ntseeg tsis phim yuav cia kev txiav txim siab thiab kev lees txais ntawm tib neeg poob mus zwm rau tej tshuab kav. Nws hais tias : “Tam sim no peb tab tom muab peb lub tswv yim tso rau sab nraud.” Nws thiaj txhib kom cov tub tshaj Ntuj Lus Online txhob cia peb txoj kev xav poob mus rau cov tshuab kav. Nws hais txog tej kev txawj ntse uas yuav xav tswv yim thiab tuav xam kom zoo ua ntej nqis tes ua. Yuav ua rau cov neeg nyob Online npau taws, ntshai, chim siab los yog qhuas sai. Ua rau kev ua tib zoo xav yog qhov tseem ceeb zuj zus tuaj. Cov hauj lwm nyob digital tsim nyog yuav mus deb dua lub hwm chim los yog ua kom muaj cov neeg raws qab coob. Nws hais tias : “Lo lus caw peb tsis yog los cuam tshuam lwm tus xwb, tab sis kuj yog los tsim zej zog thiab. Vim peb raug hu kom los ua neeg ntseeg.” Hais txog cov tub tshaj Ntuj Lus Kav Tos Liv nyob Online, mas qhov txhawj xeeb tsis yog qhov tias nkag mus hauv digital, tab sis yog kev hloov tej chaw ntawd los ua qhov chaw ntawm kev ua pov thawj txog Yes Xus, txog qhov tseeb, sib txhawb dej siab thiab txhim kho zej zog.
