Tus thawj tswj cov Tswv Qhia Is Ntos Nes Xias thov kom lub Koom Txoos nyob As Xias mloog ua ntej yuav tuam choj txuas nrog kev sib raug zoo.

Tswv Qhia Antonius thov kom cov sawv cev txhim kho kev pauv ntxeev hauv nyias
qhov Synodality kom zoo tuaj hauv kev sib mloog, kev ua hauj lwm ua ke thiab kev
ua ke xav txog. Nws muab lub ntsiab lus hauv lub rooj sab laj los xyaw nrog Vaj Qhia
Fas Ntshis Kus cov lus hais txog yav tom ntej tias :
“Lub Koom Txoos yuav xub mloog ua ntej mam hais lus, thiab txhawb nqa ua ntej txiav
txim siab. Nrog rau Vaj Qhia Leo 14 cov lus qhua hu kom tuam choj hauv kev sib
tham, kev qhib siab thiab kev nyiam kev hlub.”
Nws hais lus ua tsaug rau cov nom Is Ntos Nes Xias, cov thawj coj, cov neeg pab hauj
lwm thiab cov txhawb nqa lub rooj sab laj. Nws hais tias kev sib koom tes ua tswv cuab
tsa lub rooj sab laj zaum no, yog kev ua tawm muaj qab muaj quag hauv kev ua lub
pwm tsav los yog Synodal.
Hauv cov kab ke qhib lub rooj sab laj muaj kev seev cev ntawm haiv neeg Nusantara,
ua kom pom txog ntau yam sib txawv hauv Is Ntos Nes Xias tej kab lis kev cai thiab tos
txais cov sawv cev nyob thoob As Xias teb. Hauv cov lus xaus, Tswv Qhia Antonius tau
thov Ntuj kom lub rooj sab laj zaum no tsim kev ruaj khov rau cov teev Ntuj hauv zej

zog, txhab kev zoo rau cov neeg ntseeg thiab cov tub ntxhais hluas, txhab kev txhawj
xeeb rau yam ntuj tsim thiab txhawb nqa pov thawj ntawm lub Koom Txoos nyob thoob
As Xias. Tswv Qhia hais tias : “Thov kom peb ua cov twj hauv kev thaj yeeb thiab thov
kom FABC ua cov twj hauv kev thaj yeeb, ces peb yuav tau pom tej yam zoo dua no.”