Tsoom pej xeem ntau pua leej raug ntes xws li cov neeg kaw nkuaj nyob hauv lub nroog Sagaing.
Tsoom pej xeem ntau pua leej raug ntes xws li cov neeg kaw nkuaj nyob hauv lub nroog Sagaing.
Pab neeg nrhiav kev ncaj ncees hais tias : cov tub ceev xwm ntes 345 tus neeg yam tsis raug cai. Cov tub rog Arakan tshaj tias lawv ze ze qhov yuav yeej tseem hwv cov tub rog nyob hauv lub xeev Rakhine lawm. Kev yuav xa cov neeg Suav rov qab hais txog kev ntxias dag nyob Online kuj tseem ua mus ntxiv.
Nyob hauv 340 tus neeg uas raug ntes ntawd, lawv muaj cov me nyuam yaus thiab. Lawv yog cov uas tsis pom zoo nrog tseem hwv txoj cai kev tseev tsim. Lawv raug ntes kaw ntau lub hlis nyob hauv cov tub ceev xwm ib lub tsev nyob hauv lub nroog Monywa, hauv cheeb tsam Sagaing. Lawv nyob zoo li cov neeg raug kaw hauv lub yeej kawg neeg. Lawv yog cov pej xeem Mias Mas uas tiv cov tseem hwv txoj kev siv tub rog kav tevb chaws.
Cov neeg raug ntes coob tshaj qhov cov tub ceev xwm yuav saib xyuas tau. Nyob hauv ob peb lub hlis dhau los no xwb, twb muaj cov neeg raug ntes tshaj 100 leej lawm. Ces zoo li cov tseem hwv tub rog tab tom poob nyob hauv txoj kev kub ntxhov, vim lawv txoj kev txeev kav teb chaws hauv lub 2 hlis xyoo 2021.
Thiaj ua rau muaj kev sib ntaus sib tua txog niaj hnub nyem no.
