Xov Xwm Koom Txoos
Rhuav tshem phab ntsa ntawm lub suab.
Txhais tias peb tsis tas siv lo lus hais lawm, peb yuav siv kev piav tes xwb. Kev sib tiv uas ntsia tsis pom hauv cov Kav Tos Liv lag ntseg nyob Thaib teb, kom tau nrhiav lub suab ntawm lub Koom Txoos. Lub Cheeb Koom Txoos Chanthaburi tau muab hnub tim 23 lub 9 hlis los ua hnub piav tes nyob ntiaj teb. Tsis yog tias kev teev Ntuj, thov Ntuj thiab kev rov ua zoo xav xwb. Tab sis nws yog hais txog kev muab siab rau tsim lub Koom Txoos uas cov neeg lag ntseg Kav Tos Liv yog ib feem nyob hauv. Qhov tseem ceeb ntawm txoj hauj lwm no, yog Txiv Plig Peter uas nws yog thawj tug Txiv Plig thiab yog tib tug nyob hauv Thaib teb uas piav tes ruam tau zoo. Nws yog tus thawj coj fab kev qhia kev ntseeg rau cov neeg lag ntseg nyob hauv lub xeev Chanthaburi. Nws yog tus coj pab neeg txhais lus hauv kev qhuab qhia 20 leej, los yog paub lawv nyob hauv lub npe pab neeg Leej Ntshiab Yes Los. Lawv sib koom ua ke ua tus choj tuam ntawm cov neeg lag ntseg thiab tas cov neeg ntseeg Kav Tos Liv. Cov neeg tsis swm nrog cov neeg lag ntseg, los yog ua hauj lwm rau cov lag ntseg, kheev kheev tsis nco txog tej teeb meem uas lawv tau ntsib nyob hauv lub Koom Txoos. Txiv Plig Peter hais cov lus no rau lub rooj ntawv xov xwm LiCAs News
Kwv tij Hmoob sawv daws ! Hnub no peb tham txog rhuav tshem sab phab ntsa ntawm lub suab.
