Is Ntias teb thiab Vaj Qhia thov kom tas ntiaj teb txwv kev muaj me nyuam hloov lwm tus

Tus txhais: Lis Maib

Xyoo 2010, Is Ntias teb yog zoo li ib lub tuam ceeb uas xeeb tub hloov lawm tus. Kev xeeb tub hloov lwm tus yog qhov tias thaum ib tug poj niam xeeb tub los yog muaj me nyuam nyob hauv plab, nws ntshai yug me nyuam. Ces nws coj mus theej rau lwm tus poj niam xeeb tub hloov nws. Thaum txog sij hawm yug tau tus me nyuam, ces nws mam mus coj los tu. Qhov no yog kev ntiav lwm tus poj niam lub cev xeeb tub. 

Kev ua li no nyob Is Ntias teb yog raug cai thiab tsis muaj kev txwv txiav dab tsi, thiaj ua rau coob leej niam txiv nyob thoob ntiaj teb tuaj mus ntiav cov poj niam Is Ntias pab lawv xeeb tub. Kev ua li no mas ua rau ib txhia poj niam lawv tau zoo nrhiav nyiaj los ntawm kev muab lawv lub cev los xeeb tub rau lwm tus. 

Pom tias qhov no yog ib qho txhaum tib neeg txoj cai nyob ntiaj teb. Vim li ntawd, cov tseem hwv Is Ntias yuav tsum tau daws kho txoj cai no.

Xyoo 2015, thiaj muaj txoj cai txwv tsis pub cov niam txiv neeg txawv teb chaws tuaj mus cog lus hloov kev xeeb tub nyob Is Ntias teb. Xyoo 2020, txoj cai kheev hloov lwm tus xeeb tub tsuas kheev siv rau cov neeg Is Ntias xwb.

Xyoo 2021, txoj cai no thiaj raug daws kho dua ib zaug. Yam li tso lus kheev rau cov poj niam Is Ntias xeeb tub hloov lwm tus tau, tab sis nkawm niam txiv ntawd yuav tsum muaj daim ntawv sib yuav raug cai thiab sib yuav txwm 5 xyoos. Yuav tsum muaj tej ntau ntawv ntawd coj mus ua pov thawj txog kev xeeb tub, mas thiaj tso cai rau lwm tus poj niam xeeb tub hloov tau. Tab sis kev ua li no, yuav tsum yog cov neeg txheeb ze xwb thiaj ua tau. Los rau xyoo 2022 thiab 2023, txoj cai no ua nruj zuj zus tuaj lawm.