Lub tsev kawm ntawv Kav Tos Liv rho ib tug Leej Phauj Is Ntias tawm, vim nws thuam kev teev hawm His Ntus (Hindu).
Lub tsev kawm ntawv Kav Tos Liv rho ib tug Leej Phauj Is Ntias tawm, vim nws thuam kev teev hawm His Ntus (Hindu).
Lub tsev kawm ntawv txheej nrab hwm Leej Ntshiab Gerosa, uas yog lub tsev kawm ntawv Kav Tos Liv nyob Is Ntias teb tau rho ib tug Leej Phauj tawm mus. Vim cov me nyuam kawm ntawv lawv cov niam cov txiv hais tias : tus Leej Phauj ntawd thuam thiab saib tsis taus txoj teev hawm His Ntus thiab thuam tus thawj pwm tsav Modi.
Cov lus thuam ntawd yog nyob hauv lub caij kawm kev ncaj ncees, hauv hnub tim 12 lub 2 hlis no.
Ib tug nom kav zej zog hauv pab nom Hindu nationalist Bharatiya Janata Party (BJP), kom cov me nyuam kawv ntawv hu zaj nkauj Jai Sri Ram, los yog nyob zoo tus Tswv Ram. Yog lub caij cov me nyuam kawm ntawv kawm txog kev ncaj ncees nyob hauv tsev kawm ntawv. Muaj ib tug poj niam uas nws yog ib tug me nyuam kawm ntawv niam qw suab nrov nrov tias : tus Leej Phauj ntawd ua rau Hindu tus tswv puas npe. Hnub tim 12 lub 2 hlis, Vedavyas Kamath thiaj coj cov Hindu mus tawm tsam nyob hauv tsev kawm ntawv, thiab lawv thov kom ntiab Leej Phauj Prabha tawm mus. Leej Phauj Prabha ua xib hwb qhia ntawv nyob hauv lub tsev kawm ntawv ntawd los tau 40 tawm xyoo lawm. Tam sim no lub pwm tsav fab kev kawm tab tom soj ntsuam txog cov teeb meem ntawd. Leej Phauj Maria Bambina uas nws yog thawj tswj lub tsev kawm ntawv, thiaj muab tus Leej Phauj ntawd so hauj lwm thiab nrhiav dua tus tshiab los ua xib hwb qhia ntawv ntxiv mus.
