Hauv lub rooj sab laj SIGNIS World Congress nyob Luas Ntas teb los yog Rwanda, mas tus Txiv Plig Nyab Laj tau hais txog qhov neeg poob qis los ntawm AI lub tswv yim tsim tawm.

Txiv Plig Le Duc uas nws yog tus thawj tswj lub tsev tshawb fawb rau kev ntseeg, rau kev xa xov hauv zej zog thiab rau lub tsev kawm ntawv txheej siab hwm Leej Ntshiab Zam nyob Thaib teb. Nws hais nyob hauv SIGNIS World Congress lub rooj sab hauv lub nroog Kigali nyob Rwanda, hnub tim 6 lub 8 hli no tias :
“Teeb meem AI lub tswv yim tsim tawm tsis yog hom twj nruab nrab, vim nws tuaj yeem soj ntsuam tus cuj pwm thiab muaj zog rau tib neeg kev txiav txim siab.” Txiv Plig Le Duc hais tias ; digital zim txwv no yog kev coj ncaj ncees hauv kev siv digital uas txo neeg kom tshuav cov ntaub ntawv, ua kom kev sib raug zoo tseeb tiag tsuag thiab yog qhov tseem ceeb hauv kev nrhiav nyiaj txiag ntau dua neeg lub meej mom. Nws hais txog kev nyiam digital ntawm neeg xws li cov neeg ntseeg ua lo lus teb tias ; technology tsim nyog txhawb nqa ib tsoom neeg tej txiaj ntsim qab hau, txhawb nqa kev sib pom dej siab, kev sib koom siab thiab kev muaj feem cuam ntawm tib neeg tiag. Neeg qhov muaj nqis ntawd, tsis tuaj yeem ntsuas tau los ntawm kev tsim toob xib, ua tau zoo los tsis zoo, los yog ua hauj lwm xws tshuab.

Le Duc hais tias : “Kev sib xa xov uas tsim los ntawm AI, tsis tuaj yeem hloov qhov tseeb tiag ntawm tib neeg. Tab txawm cov Platform Digital tuaj yeem ua tau kev sib tham thiab sib pom dej siab, tsis kav kev sib raug zoo tseeb tiag ntawd yuav tsum yog los ntawm kev tuav tau, kev sib ntsia thiab kev sib tham uas sib pom ntsej muag.” Nws thov kom cov Koom Haum Technology muaj kev lees paub lees txais ntau dua no, kom tau tiv thaiv kev ua duab cuav, kev nyiag noj nyiaj thiab qhov meej tseeb hauv kev kheev Algorithms txiav txim txog qhov ciaj qhov tuag.

Nws tseem thov kom cov tsev kawm ntawv, cov yim neeg, cov tsev teev Ntuj thiab cov tuav txoj cai txhawb kev sib nkag siab hais txog AI, thiab txuag qhov chaw rov xav txog thiab kev sib tham pom ntsej muag. Le Duc hais rau cov tub xov xwm Kav Tos Liv tias : “Nws yuav txhawb nqa lawv hauv kev tuav xam kom zoo tias ; puas tsim nyog siv Technology li cas hauv kev ua lub Koom Txoos cov hauj lwm. Qhov kawg lawm tib neeg txhua tus yuav loj dua tej ntaub ntawv mus li.”