Fis Lis Pees tus Tswv Qhia Liab thov kom cov Txiv Plig ua cov nyob ze cov neeg pluag txom nyem.
hauv kev nyob sib ze, kev ywj siab thiab kev khuv leej. Nws hais tias cov neeg ris lub
nra hauv kev pluag txom nyem thiab cov nriaj hauv lub neej niaj hnub, yog cov xav tau
kev saib xyuas, tsis yog xav tau kev ua tus tswj.
Cov lus nws hais hauv cov Txiv Plig hnub nyob Mas Nis Las hnub tim 4 lub 8 hli no,
Tswv Qhia hais txog kev txhawj xeeb uas tsoom pej xeem Fis Lis Pees feem coob tab
tom raug, nrog rau kev pluag txom nyem, kev nyiag noj nyiaj, kev tsiv teb tsaws chaw,
kev noj kev nyob nce siab tuaj, thiab kev mus ua hauj lwm hauv niaj hnub nyuab kawg.
Nws thov kom cov Txiv Plig nyob ze nyias cov neeg, kom txoj hauj lwm txhob tsuag
thiab tsis yog tias tshuav kev tswj hwm los yog kev tau zoo nyob xwb. Tau txais lub zog
txhawb siab los ntawm Leej Ntshiab Zam Mab Liab Vias Nes. Yog tus Leej
Ntshiab tuav pov hwm tus Txiv Plig nyob hauv lub tsev teev Ntuj.
Tswv Qhia Advincula hais tias : “Txiv Plig cov hauj lwm uas tseeb tiag yog kev nyob
ntawm ib sab, kev sib koom siab tiag tiag thiab kev khuv leej mus li.” Nws txhawb kom
cov Txiv Plig nyob ntawm cov neeg pluag txom nyem ib sab, thiab ua tim khawv txog
lub Moo Zoo hauv kev khuv leej.
