Cov Yes Xus Is nyob Is Ntias teb tso tseg siv fossil, kom tau daws teeb meem huab cua pauv ntxeev.

Xov Xwm Koom Txoos

Cov Yes Xus Is nyob Is Is Ntias teb tso tseg siv fossil, kom tau daws teeb meem huab cua pauv ntxeev.

Zim txwv no cov Yes Xus Is coob tshaj ib nrab nyob Is Ntias sab hnub poob, lawv siv cov phiaj ziab tshav ntuj Solar Cells rau lawv cov tsev xwb. Dua li lwm cov tsev uas tsis tau siv, mas lawv tseem yuav ua ntxiv mus. Cov Yes Xus Is nyob hauv 4 lub xeev thiab nyob Is Ntias teb sab hnub poob, lawv tab tom ua tus coj ntsiag ntsiag hauv kev pauv ntxeev. Cia siab tias yuav vam txog tus kheej hauv kev siv cov phiaj ziab tshav ntuj Solar Cells. Yog tus piv txwv rau lwm tus neeg ua raws hauv kev siv lub zog ntshiab huv uas nyob ntev, kom tau txuag txhua yam nyob ib puag ncig.

Txiv Plig Mascarenhas tus saib xyuas cov hauj lwm platform txog yam muaj txoj sia nyob hauv lub xeev Yes Xus Is nyob Is Ntias sab hnub poob hais tias :

“Muaj 60 lub tsev uas ua tiav hais txog txo nqi hluav taws xob. Lawv tsis raug them ib kis nyiaj los ntev lawm. Ua kom pom tias yog cov hauj lwm uas yuav nyob ntev hauv kev txuag ib lub tsev uas peb muaj, nws yog lub ntiaj teb uas peb nyob no.”

Kwv tij Hmoob sawv daws ! Hnub no peb tham txog kev tso tseg txhob siv fossil los xaus li no xwb. Thov kom nej nco ntsoov tias kev siv fossil, thee av, roj a thiab Gas, yog qhov tso Gas khaws qhov kub kub nyob saum cov txheej huab, ces yav tom ntej yuav ua rau lub ntuj kub heev. Peb yuav sib pab txuag txhua yam nyob ib puag ncig thiab txhua yam muaj txoj sia kom nyob nrog lub ntiaj teb no ntev mus.

Thov Huab Tais Yes Xus Pleev lub txiaj ntsim nrog nej nyob, ua nej siab kaj lug !

Lwm zaus peb mam sib ntsib dua, nej sawv daws nyob zoo !