Vaj Qhia Les Os 14 hais tias peb tsis nco txog cov neeg raug txom nyem nyob hauv tsov rog tsis tau

             Tom qab lub Txoos Txi Ntuj tsa Vaj Qhia tshiab tas, Vaj Qhia Les Os 14 teev Ntuj raws li zaj ‘poj vaj nyob saum ntuj’ (Regina Caeli) thiab thov Tswv Ntuj hlub cov neeg nyob hauv kev txom nyem vim tsov rog. Vaj Qhia hais tias nyob hauv kev ntseeg thiab kev koom siab qhov xyiv fab, mas peb yuav tsis nco txog peb cov kwv tij thiab cov muam nyob hauv kev txom nyem vim tsov rog mas tsis tau. Nyob Kas Ntxas muaj ib cov me nyuam, cov tsev neeg, thiab cov laus neeg tshaib plab tuag vim His Xas Lais thiab cov Has Mas kev sib ntaus sib tua tsis tu ncua. Nyob Mias Mas teb mas muaj kev sib tua tshiab ua rau cov me nyuam mos txoj sia luv tuaj. nyob Us Nkas Zis Nas muaj cov tuag ua tim khawv tos ntsoov saib lub teb chaws puas muaj kev sib tham mus raws kev ncaj kom lub teb chaws tau nyob thaj yeeb.

            Vaj Qhia Les Os 14 hnov zoo li Vaj Qhia Fas Ntshis Kus nqes saum ntuj los nyob ze ze nws, ua nws luag taug txoj kev tsim kev thaj yeeb. Vaj Qhia kuj hais cov lus nqua hu tsoom ntseeg hauv lub Koom Txoos Kav Tos Liv koom nrog nws thov leej niam Mab Liab tus tau txiaj ntsim puv siab pab txais nws cov hauj lwm tsob hwb lub Koom Txoos li no tias “Peb thov peb niam, kom nws pab peb cev lo lus thov rau Leej Txiv kom nws pub kev thaj yeeb, kev thiab siab, kev nplij siab rau cov nyob hauv kev txom nyem, thiab thov lub txiaj ntsim rau peb sawv daws kom ua tau pov thawj txog Huab Tais Sawv Rov Los.”