Kev daws kho txoj cai tshiab hais txog av nyob Nyab Laj teb, yuav pib siv txij lub 1 hlis xyoo 2025 mus. Ces nws yuav muaj teeb meem txog tus nqi av thiab kev tu ciam av loj kawg raws li tej lus moo cua. Cov muaj teeb meem yog cov tub tseem hwv uas nyiag noj nyiaj, cov Koom Haum ntiag tug uas loj thiab tau txiaj ntsim qab hau los ntawm kev xuas nyiaj yuav tsoom pej xeem tej av.
Tus qub thawj pwm tsav Đặng Hùng Võ rov xav tias muaj ntau txoj kev uas tseem hwv txeeb av kom tau muab muag rau cov Koom Haum ntiag tug, thiab tseem hwv txoj cai tsis tuaj yeem yuav daws tau cov teeb meem no. Tab sis tseem hwv Nyab Laj kuj tso lus kheev kom daws kho txoj cai av no thiab.
Tseem hwv hais tias : lub hom phiaj uas npaj siab tseg no yog xav txhawb nqa kev lag luam thiab tsoom pej xeem hauv lub teb chaws. Muaj cov nom 432 leeg nyob hauv tas 477 leej tawm suab pom zoo txog txoj cai no.
Txoj cai tshiab no yuav pib siv txij hnub tim 1 lub 1 hlis xyoo 2025. Lawv tau tuav xam soj ntsuam txog kev pom zoo ntawm 12 plhom tus neeg hauv tsoom pej xeem hauv lub teb chaws. Nrog rau kev pom zoo ntawm cov kws txawj ntse, cov Koom Haum thiab cov tau txiaj ntsim qab hau. Lub zog txhawb nqa yog kom tsoom pej xeem hauv lub xeev thiab cov nom nruab nrab daws kho tus nqi av nyob hauv txhua xyoo, kom tau pom txog kev pauv ntxeev ntawm kiab khw raug cai nyob hauv txoj cai uas twb muaj lwm. Tus nqi av yuav muaj hloov nyob hauv txhua txhua 5 xyoos.
