Is Ntos Nes Xias teb ua hmoov tsuj xeeb txwm 17 xyoo ntawm kev khaj cai taij thov kev ncaj ncees
Cov neeg tuag thiab cov tawm tsam lawv cov tsev neeg thiab cov tub kawm ntawv sib koom khaj cai taug kev nyob thoob Is Ntos Nes Xias teb, kom tau ua kab ke tsuj xeeb txwm 17 xyoo ntawm kev khaj cai, uas yog cov neeg ntseeg Kav Tos Liv xav daws kev hla tib neeg txoj cai yav tag ua tus tsa.
Maria Catharina uas nws muaj ib tug tub yog Bernardus Realino, raug tua tuag nyob hauv kev tawm tsam tiv Suharto xyoo 1998. Yog Aksi Kamisan kev sib sau hnub tsib nyob ntawm tseem hwv lub tuam tsev hauv Ntsas Kas Tas. Lawv muaj kev sib sau txhua txhua hnub tsib hauv xyoo 2007.
Kev tawm tsam tau txais lub zog txhawb siab los ntawm leej niam Plaza de Mayo nyob As Zees Tis Nas. Yog pab neeg tawm tsam thaj yeeb nrhiav cov me nyuam uas ploj mus nyob hauv ntsuj tsov rog qias neeg xyoo 1976 txog 1983.
Xyoo no Sumarsih koom nrog ntau txhiab leej kom tau sib koom nyob hauv lwm lub nroog xws li : Semarang uas nyob nruab nrab hauv lub xeev Java thiab Palangkaraya uas nyob hauv lub xeev Kalimantan pej. Kev sib sau nyob hauv lub tuam ceeb Ntsas Kas Tas, muaj cov neeg tuaj sib koom coob tshaj 1,500 leej. Sumarsih thiab cov tub tawm tsam uas tseem ceeb kwv tej lub kaus dub, kom tau ua lub cim hais txog kev ncaj ncees txoj kev tuag.
