Kav Tos Liv txoj kev xav thiab txoj cai ntawm cov neeg ntseeg. (Catholic social justice)

Kav Tos Liv txoj kev xav thiab txoj cai ntawm cov neeg ntseeg. (Catholic social justice)

Lo lus qhia ntawm cov neeg ntseeg Kav Tos Liv yog ib feem tseem ceeb hauv neeg lub neej, vim peb tsis tuaj yeem ua lub neej tau yog tsis muaj kev nyiam kev hlub. Thiab thaum peb sib faib sib cais lawm, peb kuj yuav tsis muaj kev nyiam kev hlub.

Lo lus qhia ntawm cov neeg ntseeg Kav Tos Liv qhia peb hais txog tej yam nyob hauv kev lag luam, kev tseev tsim, ntiag tug thiab fab ntsuj plig hauv peb lub neej.  

Kev ntseeg Kav Tos Liv qhia txog kev xav, kev ua lub neej thiab saib lub ntiaj teb nyob hauv kev sib txawv. Kev ntseeg qhia kom peb txuag kev sib raug zoo nrog Yes Xus lub siab thiab lub Koom Txoos. Kev ntseeg ua kom peb nrog zej zog sib fim thiab sib sau ua ke kom lub ntiaj teb zoo tuaj raws li kawm nyob hauv tej liv xwm.

Ntau xyoo dhau los hauv txoj kev xav ntawm cov neeg ntseeg Kav Tos Liv tau coj lwm cov neeg los sib sau ua ke. Txoj cai yog qhov uas tas ntiaj teb pom tias tseem ceeb hauv kev sib pom dej siab, kev sib koom tes thiab kev pauj rov qab. Kev ntseeg qhia kom cov neeg ntseeg muaj kev ruaj khov thiab ua tus piv txwv zoo nyob hauv zej zog.

Qee lo lus qhia hauv lub Koom Txoos xws li : txoj cai thiab kev lees txais, yog hais txog tus neeg muaj cai yuav tau txais txhua yam raws li nws lub meej mom nyob hauv kev ua neeg. Txoj cai thiab kev lees txais yog los ntawm yam Tswv Ntuj xav kom peb siv nyob hauv lub neej. Peb tsis txhob muab yam peb muaj coj mus khav rau lwm tus tias peb tus kheej nyob siab dua lawv. Peb yuav lees txais thiab mloog sawv daws lub suab thiab txiav txim siab mus raws qhov yog. Peb txhua tus neeg muaj cai, muaj suab thiab tawm tswv yim ntawm tus kheej nyob hauv ib yam twg uas tsis yog lwm tus txiav txim. Kev txiav txim uas sawv daws ua ntawd, yog nyob ntawm zaj ntawd seb puas ua teeb meem dab tsi rau lawv los tsis ua. Peb yuav saib tej yam lawv xaiv thiab txiav txim siab, tab sis cov neeg ntawd yuav txuag lawv lub meej mom nyob hauv kev ua neeg 3 yam, xws li : zej zog, kev lag luam thiab kev tseev tsim.    

Tas txhua yam no yog qhov tseem ceeb ntawm tib neeg kev muaj feem cuam txhawb nqa hauv neeg lub meej mom. Txoj cai yog pib ntawm txhua tus neeg muaj cai ua lub neej thiab tau txais qhov tseeb hauv kev ua neeg nyob. Kev lees txais yog pib ntawm ntawm kev lees paub lees saib xyuas hauv tsev neeg thiab lwm tus nrog rau zej zog huv si. Kev sib koom tes yog txhais tias ua cas ib tug neeg twg thiaj tsis tau txais kev ywj siab los ntawm lwm tus. Kev sib koom tes yog lub cim qhia txog kev ywj siab, nws yog qhov zoo thiab qhov tsim nyog yuav tsum paub.

Ib qho uas ntsia pom nyob hauv tib neeg kev sib vam khom, yog qhov ua tawm qhia txog Yes Xus lub Cev raws li Paj Lug hais. Kev ywj siab ntawm peb tus kheej, yog ib feem ntawm Yes Xus lub Cev. Technology txheej tshiab ua kom neeg tau kev nrog lwm tus neeg sib fim nyob thoob ntiaj teb, tab sis nws tsis yog qhov yooj yim.

Ntau xyoo ua ntej no Technology pab tsim kev sib fim thiab txhawb nqa kom ib tsoom neeg nyob thoob ntiaj teb muaj kev sib fim. Kev sib koom tes yog los ntawm lo lus ua kwv ua tij. Yog qhia kom peb ua rau luag tej xws li peb cov kwv tij. Kev sib koom tes yog los ntawm tus kheej uas yuav lees txais lees paub txog txhua tus neeg, tsis yog tus kheej xwb. Txhua tus neeg uas muaj lub neej hauv zej zog, kev sib koom tes ua kom pom txog qhov tseem ceeb hauv kev sib hwm thiab kev sib raug zoo ntawm tib neeg. Kev sib koom tes yog zoo li cov kua nplaum txuas nrog lub Koom Txoos kom sib lo ua ke thiab tsim tej pab neeg zoo. Kev sib koom tes txhawb nqa neeg txoj cai thiab kev sib lees txais lees paub nyob hauv tsev neeg thiab zej zog. Hais txog tib neeg txoj cai, hais txog qee tus neeg uas muaj zog, nws txawv lwm tus neeg. Peb yuav tsum lees txais cov neeg pluag txom nyem thiab nrog lawv koom kev txom nyem. Lub meej mom ntawm tib neeg, yuav tau lees txais kev rau txim los ntawm txhua yam hauv lub neej. Tib neeg lub neej txoj sia yog tsim los raws li Tswv Ntuj tus duab thiab yog lub meej mom uas tau txais los ntawm Tswv Ntuj muab rau neeg. Neeg lub meej mom yog hais txog kev sib hwm thiab sib luag. Yuav tsis xav txog tias yog poj niam los txiv neej, haiv neeg dab tsi thiab txheej neeg twg.

Lub meej mom tsis yog qhov sawv cev ntawm tus yam ntxwv, tab sis yog qhov sawv cev ntawm kev lees tias sawv daws sib luag, vim peb sawv daws yog ib tug. Tiam 21 yuav tau muab siab rau ua kom paub tias kev xav tau ntawm tib neeg, xws li kev siv me nyuam yaus lub zog, kev tsim txom los ntawm cov tseem hwv yuav tsum tso tseg.

Kev ntseeg Kav Tos Liv pab kom peb to taub txog lub ntsiab hauv kev ua neeg ntseeg thiab kev sib raug zoo hauv zej zog tau li cas.

Tib neeg lub koob meej muaj feem cuam txog 5 yam ua ke xws li :

Kev xav zoo.

Kev muaj feem cuam.

Kev sib raug zoo.

Lub ntsiab thiab lub hom phiaj hauv lub neej.

Kev ua tiav thiab yam ua tiav.

Tas 5 yam hauv tib neeg lub koob meej, yog ua kom paub txog lub hom phiaj thiab kev nrog zej zog sib fim. Txoj cai uas muaj dua lwm lo lus hais yog ncaj ncees thiab nco txiaj nco ntsim. Yog qhov ib txwm muaj nyob hauv tej kab lis kev cai thiab txhua txoj kev teev hawm. Txoj cai muaj feem txhawb nqa zej zog thiab txhim kho tus kheej. Txoj kev xav uas yog qhov nruab nrab hauv txhua txoj kev teev hawm yog :

“Lub neej zoo yog lwm tus li, tsis yog hais txog ib tug neeg xwb.” Peb txhua tus yuav tau ua kom muaj kev sib luag thiab kev sib hwm.

Ubuntu txoj kev xav yog hais mus rau tib neeg lub tswv yim kev xav thiab txhua yam nyob ib puag ncig ntawm txhua txhua tus neeg. Ubuntu yog los ntawm xeem lus Xus Lus uas hais txog tib neeg. Kev nto koob meej ntawm ib tsoom neeg tsis yog hais txog kev muaj feem cuam ntawm ib tug neeg xwb. Zej zog tsim nyog yuav sib koom kom tau txhawb nqa kev vam meej nyob hauv tib neeg thiab tib neeg.

Raws li tau hais tseg cia tias : leej tib neeg yuav vam meej thiab loj hlob tsis tau, yog tsis muaj zej zog los sib sau ua ke txhawb nqa kev vam meej. Lub tswv yim kev xav ntawm cov neeg ntseeg Kav Tos Liv tas nrho puav leej yog hais txog kev txhawb nqa tib neeg kev vam meej ntawm tus kheej thiab hauv yus lub zej lub zos.

Xaus lo lus ntawm kev xav hauv cov Kav Tos Liv, mas yog hais txog txhua tus yam ntxwv. Tsis tuaj yeem piav tau tas txhua yam, xws li kev sib koom tes, neeg lub meej mom, txoj cai thiab kev lees paub lees txais. Tus kheej thiab zej zog muaj kev sib cuam tshuam ntau kawg txog kev txiav txim siab thiab tib neeg lub neej. Nws kuj hais txog 3 yam kev xav, xws li txoj cai, lub neej zoo thiab Ubuntu. Tas cov kev xav no pab kom tib neeg thiab zej zog vam meej.