Lub zog ntawm kev thov Ntuj.
Peb lub teb chaws tab tom nyob hauv lub caij raug kev txom nyem, tsis hais kev kub ntxhov thiab kev tsov rog uas heev zuj zus, kev kub ntxhov ntawm cov tub tseev tsim los yog hauv cov me nyuam kawm ntawv. Hauv lub caij zoo li no nws phem heev thiab tseem muaj lwm yam tshwm sim. . Thaum muaj kev tu siab tshwm sim thiab muaj cov neeg thov Ntuj, mas tej yam lawv ua pauj yog qhov tias ; kuv uv tsis taus txog lub tswv yim thiab kev thov Ntuj lawm. Peb yuav nqis tes ua los yog khaws koj txoj kev thov Ntuj cia, vim txog sij hawm nqis tes ua lawm.
Coob leej hais tias peb tsis xav tau kev thov Ntuj, peb xav tau kev nqis tes ua. Tsis yog tias yuav xaiv ib yam twg xwb, nws yog xaiv tas nrho ob yam. Tub rog raug tsim tawm thiab nqis tes ua, tab sis tub rog yog tau txais kev txhawb nqa los ntawm kev thov Ntuj. Vim Tswv Ntuj yog tus muaj peev xwm hauv peb cov hauj lwm. Peb los sib koom ntxiv zog, ces kev nqis tes ua yuav tshwm sim nyob hauv peb txoj kev thov Ntuj.” Tswv Ntuj paub txhua yam uas tshwm sim, Tswv Ntuj yog tus paub txhij paub txhua. Zam nyob Das Mas Kas tau hais tseg tias : “Kev thov Ntuj yog kev muab yus lub siab cev rau Tswv Ntuj.” Li ntawd, txhua zaus peb thov Ntuj, tsis hais kev teev Ntuj, kev ua Tswv Ntuj tsaug los yog lwm yam kev thov Ntuj, mas yog peb tab tom cev peb lub siab thiab peb tus ntsuj plig rau Tswv Ntuj.
Kwv tij Hmoob sawv daws ! . Peb yuav nco ntsoov tias ; thaum peb teev Ntuj los yog thov Ntuj, mas peb yuav muab siab rau hauv peb txoj kev thov Ntuj. Ces Tswv Ntuj yuav pub yam peb thov thiab nws yuav txuag pov hwm peb.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug!
