Lub Moo Zoo yog Yes Xus.
Hnub no kuv yuav taw mus rau zaj nyeem ob ntawm peb, nws yog cov lus muab los ntawm Paj Lug tsab ntawv ob uas nws sau mus rau Tis Mos Tes. Paj Lug tsab ntawv ob sau mus rau Tis Mos Tes, uas peb muaj ntawd nws muaj ntau qhov ntxim siab. Tab sis Paj Lug qhia raws li cov Txiv Plig hauv ntau ntau fab rau nws tus thwj tim. Yog Tis Mos Tes tus tig los yuav lub siab tshiab.
“Kwv tij zoo nyiam, kuv tab tom nrog Tis Mos Tes tham. Thov nco txog Yes Xus Pleev tus sawv hauv cov tuag rov los, nws yog Das Vis caj ces. Ntawd yog lub Moo Zoo ntawm peb.”
Lub Moo Zoo yog dab tsi ? Nov yog lo lus uas peb siv kam. Muaj nkauj cav txog lub Moo Zoo, kev nthuav txog lub Moo Zoo thiab lub Moo Zoo yog qhov raug siab. Paj Lug yog tus uas tau txais lub zog txhawb siab los ntawm lub Moo Zoo. Nws kheev kheev hais tias : “Kuv tshaj lub Moo Zoo, los yog peb yuav tsum coj ib tsoom neeg los cuag lub Moo Zoo.” Li ntawd, thaum hais txog lub Moo Zoo, nws yog hais txog kev ntseeg hauv kev ncaj ncees ntawm Yes Xus uas yog kev nyiam kev hlub. Paj Lug yog thawj tug neeg tshaj lub Moo Zoo, nyob hauv thawj tiam neeg. Paj Lug hais tias : Yes Xus yog lub Moo Zoo, yog cov His Xas Lais tus Mes Xias. Paj Lug hais rau Tis Mos Tes tias nws tau pom Yes Xus. Nov kuj yog qhov Paj Lug qhia rau peb tias nws tau pom Yes Xus. Yog Yes Xus Nas Xas Les. Xas Ws, Xas Ws, vim li cas koj hiam kuv ? Koj yog leej twg ? Kuv yog tus Yes Xus uas koj hiam. Ces Xas Ws rais ua Paj Lug tus thwj tim.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug.!
