Kev sib tham, kev tshaj lub Moo Zoo thiab Paj Lug cov tsab ntawv ntu 2.
Txhua haiv neeg nyob teb chaws suab puam puav leej teev Tswv Ntuj, Tswv Ntuj cov yeeb ncuab yuav noj plua tshauv. Tus vaj nyob Tas Xis thiab txhua lub pov txwv yuav nqa paj tshab tuaj pub. Tus vaj nyob As Las thiab Xes Npas yuav pub paj tshab. Tas txhua tus vaj nyob ntiaj teb yuav txhos caug pe Das Vis leej tub.
Cov Yus Das nyob hauv tsev Txoos paub txog His Xais cov lus zoo. Nyob hauv ntawv His Xais zaj 60 hais tias : “Cov Thauj yuav nkag mus hauv Yes Lus Xas Les, ib tug Thauj yuav tuaj ntawm Mis Dias tuaj, tuaj ntawm Es Fas tuaj, tuaj ntawm Xes Npas tuaj thiab lawv nqa kub, nqa xyab tuaj. Lawv yuav tshaj txog Tswv Ntuj lub koob meej.” Tus Mes Xias uas raug ntsia nyob saum Ntoo Cuam, yog yam uas tsis muaj qab hauv uas leej twg kuj xav tau. Thiab qhov tiag lawv ntiab Paj Lug thiab Npas Nas Npes kom tawm ntawm lawv lub tsev Txoos mus. Thaum nkawd raug cov neeg ntseeg tsis lees txais, mas ob tug Thwj Tim hais tias : “Nej mloog ! Tsim nyog wb yuav xub tshaj txog Tswv Ntuj lub Moo Zoo rau nej, tab sis nej tsis lees txais thiab tsis txawj txiav txim tus kheej kom tsim nyog txais txoj sia nyob mus li. Saib ma ! Peb tig mus nrhiav cov teev pej kum dab.” Ces Paj Lug nkawd mus ntxiv. Nkawd mus tsa ib pawg ntseeg nyob hauv lub nroog Is Kos Nias thiab lub nroog Lis Ros. Sij hawm dhau mus tsis ntev nkawd tau muab tus Paj Lug thiaj rov mus saib cov neeg ntseeg thiab nws sau tej tsab ntawv xa mus rau lawv.
Kwv tij Hmoob sawv daws ! Hnub no peb tham txog kev tshaj lub Moo Zoo thiab Paj Lug cov tsab ntawv los xaus li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug ! Peb mam sib ntsib dua, nej sawv daws nyob zoo !
