Zaj nyeem hnub tim 24 lub 3 hlis 2026
Hnub Peb, Lis Piam 5 caij Hla
Cov lus nyob hauv Zam Ntawv Moo Zoo (Z 8: 21-30)
Kwv tij sawv daws, nyob rau hauv zaj no peb yuav pom tias, Huab Tais Yes Xus qhia qhov tseeb rau neeg, tiam sis, neeg tsis to taub, Huab Tais Yes Xus tshaj Tswv Ntuj cov lus rau neeg, tiam sis neeg tsis lees txais, vim neeg lub siab txhav, neeg ntseeg qeeb, neeg tsis hwm Tswv Ntuj. Yog vim li ntawd, ntawd, Huab Tais Yes Xus thiaj txiav txim siab muab nws txoj sia los ua nqi txhiv neeg kev txhaum, kom xwv tus twg ntseeg txog nws ces tus ntawd thiaj yuav tau txais kev cawm, hos tus tsis ntseeg, ces nws yuav tuag rau nws cov txhaum.
Kwv tij sawv daws, thov kom peb txhob ua neeg siab nyav mog, peb kav tsij lees ntseeg Huab Tais Yes Xus thiab qhib siab los txais nws cov lus qhia, thiab hloov peb lub neej los taug nws txoj kev, peb tso kev ua phem ua txhaum, ces peb thiaj yuav dim.
Nyob zoo sawv daws.
