Zaj nyeem hnub tim 20 lub 5 hlis 2026
Hnub nco txog Leej Ntshiab Npes Nas Dis Nos nyob Xis As Nas
Cov lus nyob hauv Zam Ntawv Moo Zoo (Z 17: 11-19)
Kwv tij sawv daws, Huab Tais Yes Xus thov Leej Txiv pab kom peb dim ntawm dab phem kev ntxias thiab tsis txhob mus raws lub qab Ntuj neeg kev txhaum. Kom xwv peb ntshiab tuaj nyob hauv qhov tseeb, uas yog Tswv Ntuj cov lus qhia. Qhov tseeb tiag, tus dab phem uas tuaj ntxias neeg ntawd nws yog neeg lub siab ntshaw, uas nyob rau hauv neeg txhua tus, yam li kev ntshaw ub ntshaw no, ntshaw txeeb luag tug los ua yus tug. Uas rau peb qaug raws qab ntuj neeg kev txhaum, ua rau peb tso tsis tau kev ua txhaum, vim peb xav muaj xav tau, xav tau ib puas tsav yam los ua yus tug, xav ua tus tswj ib puas tsav yam hauv qab ntuj no. ua rau peb tsis nco txog Tswv Ntuj uas yog peb tus Tswv lawm. Huab Tais Yes Xus tuaj qhia qhov tseeb, kom peb tso yam uas yog qab ntuj neeg tug tseg, peb thiaj yuav ua tau ib tug neeg ntshiab peb thiaj yuav mus cuag Tswv Ntuj tau.
Nyob zoo sawv daws.
